लूका 10:28 - जिरेल

²⁸ थेकी थोक सिरजीन येशूकी थेला “खुई ठीकराङ सिदुक। खो परमेश्‍वर नियमला खि साबा ओता च्‍योकराङ खि। थेमे नोमुङ मिसिन्‍च्‍येते जुनी ङेत्‍क्‍यो,” सिन सिदुक।

लूका 10:28 ပူးပေါင်းရင်းမြစ်များ

मत्ती 19:17

थोक सिरजीन थेकी “लेमुते कामगी बात खुई ङात्ताङ माठिसीन ओङगो। लेमु सिरातेनी परमेश्‍वरकामा ईन। थोगी खोल्‍ला नोमुङ मिसिन्‍च्‍येते जुनी ङेता सेम ओत्‍सीन परमेश्‍वरगी बिन्‍दाते छ्ये छ्ये नियम ङेन्‍ला थेरू खि साबा च्‍योकराङ खि,” सिन सिदुक।

मर्कूस 12:34

परमेश्‍वरगी खि साबाते बात थे मिकी लेमु खाईन छ्या स्‍येबा ओता थोङगीन येशूकी थेला “परमेश्‍वरगी खि साबाते बात खुई लेमु खाईन खोबा ओताक्‍वा। था खो परमेश्‍वर राज्‍य छ्य्‌वापा लै खिता खादुक,” सिन सिदुक। थे तिरीचेन सुङगीङ येशूला खइँदा बात ठिच्‍ये आँट माक्‍यासुङ।

लूका 7:43

थोक सिरजीन शिमोनगी “ङालानी थे ऋण काल्‍बेई ज्‍येला फाप्‍च्‍या ओताते मिकीराङ थे साहूला खुई थोई लेमु खासुङा सिन आउदी गा खितासीन सिराच्‍योक लाङगीदुक,” सिन सिदुक। थेमे येशूकी “खुई ठीकराङ सिदुक,” सिन सिदुक।

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

रोमी 7:10

परमेश्‍वर नियमला खि साबा च्‍योकराङ खित्‍कान्‍ते मिओनगी नोमुङ मिसिन्‍च्‍येते जुनी ङेत्‍च्‍येते ईन्‍सीनोङ थेरू खि साबाच्‍योक खिता माथुपेकी ङानी थे नियमगी तोके खाबाते सजाय ङेत्‍ला स्‍या फाप्‍च्‍या ओङा ओतान।

गलाती 3:12

थे खोरोङला विश्‍वास खाबेकी खित्‍सादुकामा परमेश्‍वरगी मिओनला दोषी मेन सिओ सिरच्‍येते बात परमेश्‍वर नियमला छ्याःङ टिबाराङ मेत। थेरूनी खालि “नियमला खि साबाते गाङे साबा साबा च्‍योकराङ खित्‍कान्‍ते मिकीकामा नोमुङ मिसिन्‍च्‍येते जुनी ङेत्‍क्‍यो,” सिन टिबा ओत।