लूका 10:26 - जिरेल

²⁶ थोक सिरजीन येशूकी “परमेश्‍वर नियमला च्‍यि खिता फाप्‍क्‍यो सिन टिला दुका? थेमे खुई च्‍यि बात खोसुङा?” सिन सिदुक।

लूका 10:26 ပူးပေါင်းရင်းမြစ်များ

लूका 10:25

थेमे पालोई धर्मे गुरूज्‍यीगी येशू ओत्‍सादु वाकीन थे सेम ता चाल्‍सुङ। थेकी “गुरू, नोमुङ मिसिन्‍च्‍येते जुनी ङेताला ङे च्‍यि खिता फाबोङा, लाप्‍ला नाङना,” सिन सिदुक।

लूका 10:27

थेमे थेकी “परमेश्‍वर नियमलानी ‘खुई प्रभु परमेश्‍वरला खोरोङ आत्‍माताङ बुद्धिकी थेमे स्‍येतकी थुपासम्‍म सेमदुकीराङ ङिङज्‍ये खि। थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत,” सिन सिदुक।

रोमी 10:5

थोगी परमेश्‍वर नियम ङेन्‍ला दाक्‍पोनला परमेश्‍वरगी दोषी मेन सिओ सिरकान्‍ते मि बात खिन मोशेकी चुक साबा ओते सासीन “परमेश्‍वर नियमला खि साबाते गाङे साबा साबाच्‍योक खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।