लूका 10:24 - जिरेल

²⁴ ङा ख्‍योकोनला च्‍यि सिते सासीन ख्‍योकोनगी थोङा ङेताते परमेश्‍वर राज्‍य ताप सिन परमेश्‍वर बात खित्‍कान्‍ते मिओन थेमे गेल्‍बोओन काल्‍बेई गुकीन देता ओतान। ईन्‍सीनोङ थेबे पालोला ता माङेत्‍सुङ। थोकराङ खाईन ख्‍योकोनगी थोबा ङेताते परमेश्‍वर राज्‍य बात चुक दुका सिन थोबा चाल्‍सीनोङ थेबेकी थे बेलाला थोबा माङेत्‍सुङ,” सिन सिदुक।

लूका 10:24 ပူးပေါင်းရင်းမြစ်များ

मत्ती 13:16

तर ख्‍योकोनचेन भाग्‍यमानी ईन। ख्‍योकोनगी खेराङ मिक चुम्‍बा मेतेकी थेमे नामज्‍योक थुक्‍पु जोबा मेतेकी खित्‍सादु स्‍वर्गे राज्‍य वाबाते थोङा ओत। थेमे थे राज्‍य बादोङ खोबा ओत।

लूका 10:23

थेमे थेकी थे खोरोङ चेलाओनलाकामा बात खिन “ख्‍योकोन परमेश्‍वर राज्‍य वाबाते थोङकान्‍ते मिओन चुक भाग्‍यमानी ईन्‍दाका।

लूका 10:25

थेमे पालोई धर्मे गुरूज्‍यीगी येशू ओत्‍सादु वाकीन थे सेम ता चाल्‍सुङ। थेकी “गुरू, नोमुङ मिसिन्‍च्‍येते जुनी ङेताला ङे च्‍यि खिता फाबोङा, लाप्‍ला नाङना,” सिन सिदुक।

यूहन्‍ना 8:56

ख्‍योकोन ज्‍युज्‍यु अब्राहाम ङा दुरू ओङच्‍येते बात छ्या स्‍येकीन आउदी गा खाबा ओतान। ङा दुरू वाबाते थोङगीन थे खुशी ओङा ओत,” सिन सिदुक।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 11:39

परमेश्‍वरगी थे खोरोङला होथोक खाला विश्‍वास खित्‍कान गाङेकी थोक खाबाते लेमु ईन सिन साबा ओतान। ईन्‍दानी परमेश्‍वरगी जमान खाबा च्‍योकराङ खाबाते थेबेकी खोपरोङ सोम्‍बो ओत्‍केलाराङ थोङा माङेत्‍सुङ।