लूका 1:68 - जिरेल

⁶⁸ “था ङुरूङ इस्राएली गाङेराङ प्रभु परमेश्‍वरते जय जय खिइ। थेचेन थे खोरोङगी छाने खाबाते मि ङुरूङला दुक्‍पादुकी टाल्‍ला लेमु खित्‍कान्‍ते ईन।

लूका 1:68 ပူးပေါင်းရင်းမြစ်များ

लूका 19:44

थेमे थेबेकी ख्‍योकोन छ्ये टेक्‍टे गाङेला सोतोर जोइओ। थेमे सारोङ बराङ बुरूङ रोम्‍ग्‍यो। परमेश्‍वरगी खेराङला सजाय छ्य्‌वापेई थारच्‍येते मौका तेरजीन ख्‍योकोनगी टेरे माक्‍याबेकीराङ था होथोक ओङगो,” सिन सिदुक।

लूका 2:38

शिमियोनगी यूसुफताङ मरियमला थे फिजे बात खिन ओत्‍जीनराङ थे फेम्‍मे मिङ थेबा ओत्‍सादु ख्‍योल्‍सुङ। थेमे थेकी येशूला थोङगीन परमेश्‍वरगी तोङगो साबाते ख्रीष्‍ट ताङदुक सिन परमेश्‍वरला धन्‍यवाद बिन्‍सुङ। थेमे यरूशलेम मिओनला दुक्‍पादुकी डेल्‍कान्‍ते नाम वाओङा सिन थे मोरोङ च्‍योकराङ खाईन गुकीन देताते मिओनला थानी थे वादुक सिन थे फिजे बात लाःप्‍कीन बिन्‍सुङ।

लूका 24:21

ङ्योकोनगीचेन ङुरूङ इस्राएलीओनला दुक्‍पादुकी डेल्‍कान्‍ते मि थेराङ दुका सिन आश खाबा ओतान। थरिङगीनी थेला सेतातेङ ङीमा सुम गाल्‍सुङ।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

एफिसी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।