लूका 1:22 - जिरेल

²² थे तिरी जकरियेकी फिनामा थेन्‍गीन मिओनताङ छ्याःङ बात खिता माथुप्‍सुङ। थेते खानामेकी ङोरो माथेन्‍देकी खित्‍सादु थेकी थेबाला खालि लाक्‍पे चालगीकामा आशी बिन्‍सुङ। थेमे थे मिओनगी मन्‍दिर नाङने परमेश्‍वरगी थेला मिलाम खित ज्‍युताच्‍योक खाईन खइँदा बात छ्या स्‍ये च्‍युताक्‍वा सिन छ्या स्‍येसुङ।

लूका 1:22 ပူးပေါင်းရင်းမြစ်များ

लूका 1:21

जकरियाला मन्‍दिर नाङने थोक ओङजीन फिनामा आशी सेताला गुकीन देताते मिबरी थे च्‍यिला दोक काल्‍बासाक फिनामा मेथेन्‍का च्‍यि ओङताका सिन छक्‍क परे खाबा ओतान।

लूका 1:23

थेमे मन्‍दिरदु थे खोरोङ काम खित्‍च्‍येते पालो सिन्‍नामेकी जकरिया यरूशलेमदुकी खाँपा गाल्‍सुङ।

लूका 1:62

थेमे फिजे आबातेला लाक्‍पे चाल खाईन “फुज्‍युङ मिन च्‍यि ज्‍य्‌वाच्‍ये?” सिन ठिसुङ।

यूहन्‍ना 13:24

थेमे शिमोन पत्रुसकी गुरूला थोक खित्‍कान्‍ते खाङ ईन्‍दे सिन ठिना सिन थेला मिगी चाल खासुङ।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

शक्ति काम 19:33

थेबे नाङ कोई कोई यहूदीङ ओतान। थेरू थेबेकी खोपरोङ जातकी अलेक्‍जेन्‍डर सिरातेला थोङगीन थेला थे मिओनताङ बात खि सिन सासुङ। थेरू थोक मेलेबा खाईन हूलदङ्गा ओङाते खोपरोङ यहूदीओनगी खित्‍सादु मेन सिन सिराप सिन अलेक्‍जेन्‍डरगी गाङेला खाराक्‍पा देत सिन लाक्‍पेकी चाल खासुङ।

शक्ति काम 21:40

थेमे थे छ्येते मिकी “ओङगो खि,” सिन सिदुक। थेमे पावलगी ब्‍यारेकने डोच्‍येते सिंढीदु देत्‍कीन मि गाङेला खाराक्‍पा देत सिन लाक्‍पेकी चाल खानामेई थेबा गाङेराङ खाराक्‍पा देत्‍सुङ। थेमे थेकी थेबाला खोपरोङ हिब्रू भाषाला दोक सिन बात खिताला स्‍यूसुङ।