लूका 1:17 - जिरेल17 थे परमेश्वर बात खित्कान्ते एलिया च्योकराङ ओङगो। एलियाताङ चुक्ते शक्ति ओताने होथे शक्ति थेत्ताङ ओङगो। प्रभु परमेश्वर दुरू ओङा भन्दा गोमा वाला थेकी दाक्पोन फुज्युङ फुमुताङ डिक्पा माथुपाते आबातेबाला लोक्ला थेबाताङ डिक ज्युत्क्यो। परमेश्वरगी साबाते मेङेन्कान्ते मिओनलाङ थोक खिन देता लेमु मेन सिन छ्या स्ये च्युत्ला परमेश्वरगी खि साबा साबा च्योकराङ खित ज्युत्क्यो। थेकी थोक खानामेई तिरी प्रभु परमेश्वर ओङे बेलाला मि गाङेराङ था परमेश्वर ओङगो सिन गुला देत्क्यो,” सिन सिदुक। အခန်းကိုကြည့်ပါ။ |
लूका 1:17
38 ပူးပေါင်းရင်းမြစ်များ
तिरी मिज्यीक वाला री नाङला थोक खाला बात खिओ सिन परमेश्वर बात खित्कान्ते यशैयेकी थाङबोका दोक सिन साबा ओतान। चुक सासीन “रीला मिज्यीगी छेरा खिनकामा ‘था प्रभु परमेश्वर दुरू ओङे बेला लेप्सुङ। थोगी मिवे, थे ओङगो सिन लेमु खाला लाम जो। थे ख्याम्बाला लाम सम्म जो सिन सिओ,’ सिन सिओ,” सिन टिबा ओतान। यशैयेकी थोक खिताला ओङगो साबाते मिचेन यूहन्नाराङ ओतान।
थोगी ङे छ्याःङ अलमल मिक्किता खाईन हजूर खोल्ला लिन ताङाते ईन। हजूर खो दिस्साक दुक्पा खाईन वाबा थोङजीन ङ्योकोनला गा लासुङ। दुरू ङ्योकोन गाङेराङ प्रभु परमेश्वर दोन्दु जम्मा ओङा ओत। प्रभु परमेश्वरगी हजूर खोल्ला च्यि बात खि साबा ओते था थे बात ङ्योकोनला लेमु खाला लाप्ला नाङ। खुई बात ङेन्दाला ङ्योकोन गाङेराङ जम्मा ओङाते ईन,” सिन सिदुक।
थोगी धनीतेकी लेमुते कामलाकामा चले खित्च्येते सेरताङ चाँदी स्यी च्योकराङ ओङाला मिकी मेलेबा कामताङ बातकी छ्य्वापेई ठाला फाप्क्यो। दोक खासीन थोक्ते मिचेन थे खोरोङ मालिक ख्रीष्टकी लाईदु काम लै खित्च्येते थेमे थेकी खि साबा च्योककामा खित्कान्ते मि ओङगो। थेमे थोक्ते मिकी लेमुते कामताङ बात खिता थुप्क्यो।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
ကြော်ငြာတွေ