यहूदा 1:7 - जिरेल

⁷ होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।

यहूदा 1:7 ပူးပေါင်းရင်းမြစ်များ

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 11:24

थोगी ङा ख्‍योकोनला च्‍यि सिते सासीन था न्‍याय खिते छोमु ख्‍योकोनला छेत सजायनी परमेश्‍वरगी सदोम सारगी मिलाङ मेतेरो,” सिन सिदुक।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

लूका 17:29

थेमे लोत थे सारदुकी थेन्‍दे छोमुचेन छ्यार्बा देक्‍लु खाईन नामनेकी मेताङ गन्‍धक ङील्‍गीन थे सारगी मि गाङे छिगीन स्‍या ओतान।

१ कोरिन्‍थी 6:9

ज्‍येनला अन्‍याय खित्‍कानताङ मेलेबा काम खित्‍कान्‍ते मि सुङ परमेश्‍वर राज्‍यने स्‍यूक्‍पा मेङेदो सिन च्‍यि ख्‍योकोनला छ्या मेत? ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। चुक सासीन रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, ल्‍हा लु माने खित्‍कान्‍तेबा, मि ख्‍यावा फेम्‍मेताङ ङ्याल्‍कान्‍तेबा, ख्‍योओ मिकी फेम्‍मे मि च्‍योक खाला ख्‍योओ मि ज्‍याक्‍ला खिता मेङच्‍येते काम खित्‍कान्‍तेबा,

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

२ पत्रुस 2:2

थेबे बात ङेन्‍ला मि काल्‍बेईकी होथेबेकी खाबा च्‍योकराङ खिता ओङच्‍या मेङच्‍या आउदी ङोचा लाङच्‍येते काम खिओ। थेबेकी थोक खाबा थोङला ज्‍येनगी परमेश्‍वर बात लेमु मेन्‍दाक्‍वा सिन सिओ।

२ पत्रुस 2:6

थेमे परमेश्‍वरगी मे ताङगीन सदोमताङ गमोरा सारला थाला जोबा ओतान। थोक खाईन थेकी थे खोरोङ बात मेङेन्‍कान्‍तेबे गति चुक ओङगीते सिन तेन्‍गीन बिन्‍दा ओतान।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।