यहूदा 1:4 - जिरेल

⁴ ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।

यहूदा 1:4 ပူးပေါင်းရင်းမြစ်များ

मत्ती 13:25

थेमे होत्ताराङ ग्‍वामाई च्‍यि ओङकालो सासीन मि गाङेराङ ङ्याला ओते बेलाला थे मि शत्रुगी वाकीन ठा ताप्‍सादु ह्रीमा ताप्‍कीन गाल्‍दुक्‍लो।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 15:24

बात च्‍यि सासीन ङ्योकोन नाङदुई कोई कोई मि ख्‍योकोन ओत्‍सादु गाल्‍गीन दोक खिता फाप्‍क्‍यो, थोक खिता फाप्‍क्‍यो सिन साकीन ख्‍योकोनला अलमल्‍ल लाङगीन आउदी खाईन दुक्‍पा बिन्‍दुक्‍लो सिन ङ्योकोनगी थोसुङ। थेबाला ङ्योकोनगी ताङाते मेन।

गलाती 2:4

ईन्‍दाका येशू ख्रीष्‍टला विश्‍वास खित्‍कान्‍ते ईन सिरकान तर थोक मेन्‍दाते कोई कोई मि ङ्योकोन बात खित्‍सादु माबा ईन्‍सीन थे खतकी चिनु जोच्‍येते बादोङ थेन्‍च्‍याराङ मेतान। येशू ख्रीष्‍टताङ जीउज्‍यीकराङ ओङगीन ङ्योकोनगी परमेश्‍वरगी ङेराङ यहूदीओनला बिन्‍दाते होथे नियम ङेन्‍दा ताङा ओताते बात छ्या स्‍येबा ओत्‍कीन ङ्योकोनगी चुक चुक खित्‍च्‍या ईन्‍दाका सिन चिवा खिताला होथेबाचेन सुङगीङ स्‍योक मासाबाला थाराङ थेरू वाबा ओतान। थेरू खइँदा बात जिन्‍दा थुप्‍सीन लोक्‍ला ङ्योकोनला होथे नियमतेबा गाङे ङेन्‍दाराङ फाप्‍क्‍यो सिराला थेबा थोक खाईन थेरू वाबा ओतान।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

१ तिमोथी 5:8

दाक्‍पोन मिला थे लाक्‍तुङ दाक्‍पोन खाम्‍बे मिला माताकान्‍ते मिकीचेन येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा ताङाते ईन। थोक्‍ते मिचेन येशू ख्रीष्‍टला विश्‍वास खाबा मेताते मि भन्‍दाङ मेलेबा ईन।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

२ तिमोथी 3:6

थोक्‍ते मिओन नाङ कोई कोईचेन मि खाम्‍बा खाम्‍बाला डुइओ। थेमे खोपरोङगी छक्‍के खिता थुप्‍च्‍येते फेम्‍मे मिओनला लुला खोपरोङ छ्य्‌वापा लै खित ज्‍युत्‍क्‍यो। थोक्‍ते फेम्‍मे मिओनचेन पापताङ लोभकी खाङाते थेमे खोपरोङ सेमला जे जे खिता सेम लाङगीदुक थोक थोकराङ खित्‍कान्‍ते ईन।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

१ पत्रुस 2:8

परमेश्‍वर बातलाराङ “थे दोला मि काल्‍बेई नार्दोक देइओ। ठाःक छेतज्‍यीक ओताते थे दोला मि काल्‍बेई ठोके खाला रिल्‍ग्‍यो,” सिनोङ टिला दुक। परमेश्‍वर बातला नामज्‍योक मेसेत्‍कान्‍ते मिओनराङ थोक खाला रिल्‍ग्‍यो। थोक्‍ते मिओनला होदोक ओङ ज्‍युत्‍क्‍यो सिन परमेश्‍वरगी गोमाका साबा ओतान।

१ पत्रुस 4:18

परमेश्‍वर बातला चुक सिन टिबा ओते सासीन “परमेश्‍वरगी खि साबाच्‍योक खित्‍कान्‍ते मिओननी पापकी सजायदुकी बल्‍ल बल्‍ल थारग्‍यो सासीन थेकी खि साबाच्‍योक मिक्‍किकान्‍तेताङ पापीओनलानी झन चुकका ओङोङा,” सिन साबा ओत।

२ पत्रुस 2:10

खास खालाचेन खोपरोङ सेम मेलेबा ओत्‍कीन दाक्‍पोन खुशी खिन खिता मेङच्‍या आउदी मेलेबा मेलेबा काम खित्‍कान्‍ते थेमे परमेश्‍वरताङ ज्‍येन सुङगीङ अधीनला मेदेत्‍कान्‍तेबाला चुक खाला सजाय तेरा फाप्‍कीते सिन थेला लेमु खाला छ्या ओत। परमेश्‍वर बातताङ मिडिक्‍च्‍येते बात लोप्‍कान्‍ते होथे मिओनगी सुङताङ ज्‍यीबा ख्‍यारा मिक्‍किता खाला ङा ङाराङ ईन सिराच्‍योक खिओ। थेबेकीनी पाप खित्‍कान्‍ते परमेश्‍वर दूतओनलाङ छ्याःङ ज्‍यीबा मिक्‍किता खाला विरोध खिओ।

२ पत्रुस 2:7

थे सारओन थोक खाला नाश तोङे बेलाला सदोम सारदुराङ देता ओताते लोतलाचेन थेकी थेरूकी तेन्‍गीन जोए खाबा ओतान। लोत परमेश्‍वरगी खि साबा साबाच्‍योक खित्‍कान्‍ते मि ओतान। थे सारगी मिओनगी खिता मेङच्‍या आउदी मेलेबा मेलेबा ङोचा लाङच्‍या काम खाबा थोङजीन थेला आउदी मेलेबा लाबा ओतान।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

१ यूहन्‍ना 2:22

थोक ईन्‍सीन था सुला ढाँर खित्‍कान्‍ते ईन सिन सिरच्‍ये? जसकी येशू परमेश्‍वरगी तोङगो साबाते ख्रीष्‍ट मेन खिदुक थेचेन ढाँर खित्‍कान्‍ते ईन। ख्रीष्‍टला विरोध खित्‍कान्‍ते मि होथेराङ ईन। थोक्‍ते मिकीचेन येशू परमेश्‍वर फुज्‍युङ मेन थेमे परमेश्‍वर थे आबा मेन सिन सिओ।

यहूदा 1:15

मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।