यहूदा 1:3 - जिरेल3 ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन। အခန်းကိုကြည့်ပါ။ |
शावलगीचेन येशू बात झन झन लेमु खाईन लोपाला स्यूसुङ। थोक खित्जीन थेकी “परमेश्वरगी तोङगो साबाते ख्रीष्टला चुक चुक ओङगीते सिन परमेश्वर बात खित्कान्ते मिओनगी गोमाका साबा ओताते बातओन येशूकी पूरो खासुङ। थोगी ख्रीष्टचेन येशूराङ ईन,” सिन ठोके खाईन बात खासुङ। थोक सिरजीन दमस्कसदु ओताते यहूदीओन अलमल्ल परे खासुङ।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
फुज्युङ तिमोथी, ङे खोल्ला कोई कोई मिओनला चुक खि सिन कोत साबा ओताने ङे साकीन ज्याक्पा च्योकराङ खि। थेमे परमेश्वरगी सिर च्युताते बात खित्कान्ते मिओनगी गोमा खोरोङ विषयला साबाते बाततेबा टोक माज्येत। होथे बाततेबा सम्झे खाला खुई ङे खोरोङला खि साबाते काम लडाइँ खित्च्येते च्योकराङ दुक्पा ईन्सीनोङ लेमु खाला खिता थुप्क्यो।
येशू ख्रीष्टला विश्वास खाईन ङेन्दाते बात ङेन्दा मोतोङा खाला जति दुक्पा ओङसीनोङ थे बातला साबा च्योकराङ खि। नोमुङ मिसिन्च्येते जुनी ङेत्स्यीत सिन परमेश्वरगी खोल्ला थे खोरोङ दोन्दु स्योक सिन काताङाते ईन मेन? थेजीन खुई मि काल्बेई ङोन्दु ङा प्रभु येशू ख्रीष्टला विश्वास खिओ सिनोङ साबा ओत। था थे नोमुङ मिसिन्च्येते जुनी खुई खोरोङ लाःक्तुकी स्योर माज्युत।
थेमे था ङा खोल्ला चुक खि सिते सासीन ङे खोल्ला च्यि बात चुक सिन लाप्कीन बिन्दा ओताने थे थेराङ ङेन्दा फाप्च्येते बात ईन सिन टोक मेज्येता खाला ज्येनतेबाला होथे बातराङ लोप्कीन देत। थोक खाला लोप्जीन येशू ख्रीष्टताङ जीउज्यीकराङ ओङाते खुई थेला विश्वास खिन देता मातोङ थेमे ज्येनला ङिङज्ये खिन देताङ मातोङ।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।