यहूदा 1:22 - जिरेल

²² थेमे ज्‍येनगी बात ङेन्‍ला खोपरोङगी ङेन्‍दा ओताते बातला शंका खित्‍कान्‍ते मिओनला ङिङज्‍ये खिन थोक खिता मेङगो सिन सि।

यहूदा 1:22 ပူးပေါင်းရင်းမြစ်များ

२ कोरिन्‍थी 2:8

थोगी ख्‍योकोनगी थेला पक्‍काराङ ङिङज्‍ये खित्‍च्‍याक्‍वा सिन छ्या स्‍येस्‍यीत सिन ओर्च्‍ये ख्‍योकोनगी थेला ङिङज्‍ये खि।

गलाती 4:20

ङालानी थाल्‍लाराङ ख्‍योकोनताङ ठेत्‍कीन बात खिता ङेत्‍सीन चुक लेमु ओङच्‍या ओताने सिराच्‍योक लाङगीदुक। दोक खिता ङेत्‍सीन ख्‍योकोनला झन लेमु खाला बात खिता ङेत्‍च्‍या ओतान। ख्‍योकोनला चुक चुक सिन बात खित्‍च्‍ये सिन ङानी अलमल्‍ल परे खाईन सिन्‍सुङ।

गलाती 6:1

आज्‍यो न्‍वावे, ख्‍योकोन नाङ सुइँदेकी गल्‍ती खासीन परमेश्‍वर आत्‍मेकी खि साबाच्‍योक खित्‍कान ख्‍योकोनगीचेन खेराङगीङ दाक गल्‍ती खिता थुप्‍क्‍यो सिन टोक मेज्‍येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्‍झे खाला बिन।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

यहूदा 1:23

ज्‍येनलाचेन मे ऊरसादुकी टेप जुम्‍ला थेन्‍दाच्‍योक खाला नरककुण्‍डमा स्‍यूक्‍च्‍येते सजायदुकी थार छ्युत। ज्‍येनला दया खाला दोक्‍ते काम खित्‍जीन खेराङलाङ थेबे बानी मोलोप्‍स्‍यीत सिन ख्‍योकोन च्‍याङबो खि याङ। टेक्‍टेस्‍यिकराङ ईन्‍सीनोङ थेबेकी खित्‍च्‍येते च्‍योक्‍ते मेलेबा काम ख्‍योकोनगी छ्याःङ खिता माफाप्‍स्‍यीत सिन च्‍याङबो खाला देत।