यहूदा 1:19 - जिरेल

¹⁹ ख्‍योकोन नाङ फाटो ओङ ज्‍युत्‍कान्‍ते थेमे दि जुनी बातकामा विचार खाला खोपरोङला जे खिता सेम लाङगीदुक थेराङ खित्‍कान्‍ते होथेबाराङ ईन। थेबाताङनी परमेश्‍वर आत्‍मा ओतराङ मेत।

यहूदा 1:19 ပူးပေါင်းရင်းမြစ်များ

रोमी 8:9

ख्‍योकोनचेन गोमा च्‍योकराङ दाक्‍पोन खुशीला ख्‍याम्‍कान्‍ते मि मेन। परमेश्‍वर आत्‍मेकी खि साबाच्‍योक खित्‍कान्‍ते मिओन ईन। दोक मेन्‍दा ईन्‍सीन ख्‍योकोनगी परमेश्‍वर आत्‍मा ङेत्‍च्‍या मेतान। च्‍यिला सासीन ख्रीष्‍टकी आत्‍मा ङेता मेत्‍सीन थोक्‍ते मि ख्रीष्‍टकी मि ईनराङ मेन।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

हिब्रू 10:25

थेमे कोई कोईकी गाङेराङ जम्‍मा ओङसाला ड्वा ताङला दुक। दोक खिता मेङगो। प्रभु येशू ग्‍युरला ओङच्‍येते दिन था काल्‍बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्‍मा ओङला परमेश्‍वरला विश्‍वास खिनराङ देताला दोक्‍पोईकी ज्‍येनज्‍यीकला आँट तेरा फाप्‍क्‍यो।

याकूब 3:15

ख्‍योकोनगी बात खाबा च्‍योक्‍ते बुद्धिनी परमेश्‍वरगी बिन्‍दाते ईनराङ मेन। दिनी दि सा लुङबे मिओनगी बात खित्‍च्‍येते च्‍योक्‍ते बुद्धि बात ईन। दोक्‍ते बुद्धिनी दाक्‍पोन खुशी खित्‍कान्‍ते मित्ताङ ओङच्‍येते बुद्धि ईन। थेमे शैतानगी कोता कोता ङेन्‍कान्‍ते मिओनताङ ओङच्‍येते बुद्धि ईन।