यहूदा 1:15 - जिरेल

¹⁵ मि गाङे न्‍याय खिताला ओङगो। वाला थेकी थे खोरोङगी माकेत साबाते काम खित्‍कान्‍ते मिओनगी खाबाते गाङे मेलेबा काम ताला दोषी ईन साला थेबाला सजाय तेरग्‍यो थेमे सिरा मेङच्‍या आउदी मेलेबा मेलेबा साला थे विरोध खित्‍कान्‍ते मि गाङेला थेबा दोषी ईन साला सजाय तेरग्‍यो,” सिन साबा ओतान।

यहूदा 1:15 ပူးပေါင်းရင်းမြစ်များ

यूहन्‍ना 5:27

थेमे परमेश्‍वर फुज्‍युङराङ परमेश्‍वर ओत्‍सादुई वाबाते मि ईन्‍देकी मि गाङे न्‍याय खित्‍च्‍येते अधिकारोङ परमेश्‍वरगी थेलाराङ बिन्‍दा ओत।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

रोमी 14:10

बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

१ कोरिन्‍थी 5:13

येशू ख्रीष्‍ट मिओन मेन्‍दाते मि न्‍याय खित्‍कान्‍ते परमेश्‍वर ईन। परमेश्‍वर बातला “मेलेबा काम खित्‍कान्‍ते मिला खेराङ नाङदुकी तेन्‍ला थोङ,” सिन साबा ओत।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

छ्या स्‍ये च्‍युताते बात 13:11

थेरूई तिरी ङे याङराङ से नाङदुकी ज्‍येनज्‍यीक जन्‍तुज्‍यीक थेन्‍गीन वाबा थोङसुङ। लुई रीउते च्‍योकराङ थेतेङ रोज्‍यो ङि ओतान। दोक ईन्‍सीनोङ थे डुगी च्‍योकराङ स्‍याँरा खाला बात खिन ओतान।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।