यहूदा 1:12 - जिरेल12 ख्योकोन संगति खिन भोज सा बेलाला छ्याःङ ङोचा मिक्किता खाला वाला थेबेकी ख्योकोनताङराङ देत्ला सेइओ। ज्येनला ता फाप्कान्ते मि ईन्सीनोङ थेबेकी सुङगीतेङ छ्याःङ वास्ता मिक्किता खाला भक्कुचूर सोला खोपरोङ सुबा गेङच्ये कामकामा खिओ। थेबानी छ्यार्बे थोपोज्यीगोङ मेताते ल्हाबेकी पुरगीन खेराते मुक्पा च्योक्ते ईन। थेमे फलफूल चिमाईओङ मागोन्दाते चाप्रेनराङ खोर लोगीन क्युरगीन स्याप्ते गुनगी बेले दोङबो च्योकराङ ईन। အခန်းကိုကြည့်ပါ။ |
यहूदा 1:12
35 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
ကြော်ငြာတွေ