यहूदा 1:1 - जिरेल1 दि चिट्ठी टिक्कान्ते ङा यहूदा ईन। ङा याकूब न्वा ईन। ङा येशू ख्रीष्ट काम खित्कान्ते मि ईन। ङा दि चिट्ठी आबा परमेश्वरगी थे खोरोङ दोन्दु स्योक सिन काताङाते, थेकी ङिङज्ये खिन ओताते थेमे येशू ख्रीष्टकी ताकोरा खिन ओताते मि ख्योकोनला टिगीन ओत। အခန်းကိုကြည့်ပါ။ |
यहूदा 1:1
40 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
बात दोक दोक ईन्देकी आज्यो न्वावे, ख्योकोनचेन स्वर्गने देताला परमेश्वरगी थे खोरोङ दोन्दु स्योक सिन काताङाते मि ईन्देकी येशू चुक छ्ये ईन्दे सिरच्येते बातकीतेकामा ध्यान खिन देत। थेचेन परमेश्वरगीराङ खटे खाईन ताङाते थेमे गाङे भन्दा छ्येते पूजारी ईन। थे पक्काराङ होदोक छ्ये ईन सिन ङुरूङ थेला विश्वास खिओ।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
ကြော်ငြာတွေ