यूहन्‍ना 8:58 - जिरेल

⁵⁸ थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

यूहन्‍ना 8:58 ပူးပေါင်းရင်းမြစ်များ

यूहन्‍ना 10:25

थोक सिरजीन थेकी “दि बात ङे ख्‍योकोनला थोङलाका लाःपा ओत। ईन्‍सीनोङ ख्‍योकोन ङे बात पत्ते मिक्‍किदुक। ङेचेन आबेकी खि साबाते काम खाबा ओत। थे कामतेबा तालाराङ ख्‍योकोनगी ङा सु ईन्‍दाका सिन छ्या स्‍येबा थुप्‍क्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 8:24

थोगीराङ ङे ख्‍योकोनला ‘पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ,’ सिन साबाते ईन। ङे ङाराङ सु ईन्‍दे सिन साबाते बात ख्‍योकोनगी पत्ते माक्‍यासुङ सासीन ख्‍योकोन खेराङ पापकी सजायदुकी थारराङ माथारो,” सिन सासुङ।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

यूहन्‍ना 8:34

थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

कलस्‍सी 1:17

दि सा नाम खाङ ओताते जति गाङे ज्‍वा भन्‍दा गोमामेई थे ओत्‍कीन ओतान, होदि जोबाते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:8

गाङे भन्‍दा छ्येज्‍यीक शक्ति ओताते प्रभु परमेश्‍वरगी “अल्‍फा थेमे ओमेगा शुरूलाराङ ओताते थेमे तिरीसाकराङ देत्‍कान्‍ते ङाराङ ईन,” सिन साबा ओत। थेचेन थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।