यूहन्‍ना 8:53 - जिरेल

⁵³ च्‍यि खो ङ्योकोन ज्‍युज्‍यु अब्राहाम भन्‍दाङ छ्ये ईन सिन साबाप? थाङबो थेङ स्‍यिसुङ। थेमे परमेश्‍वर बात खित्‍कान्‍ते मिङ गाङे स्‍या ओतान। थेबा थेबानी थोक खाईन स्‍या ओतान सासीन खुईचेन खोरोङला सु ईन सिन साबे हँ?” सिन सिदुक।

यूहन्‍ना 8:53 ပူးပေါင်းရင်းမြစ်များ

मत्ती 12:6

थानी ख्‍योकोन दोन्‍दुराङ मिज्‍यीक ओत। परमेश्‍वर मन्‍दिर बात भन्‍दाङ थे छ्ये ईन।

मत्ती 3:9

ख्‍योकोनचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

यूहन्‍ना 10:33

थोक सिरजीन थे यहूदीओनगीचेन “खुई खाबाते खाङ कामगी खित्‍सादुङ ङ्योकोनगी खोल्‍ला दोई ग्‍याप्‍ला सेता चालाते मेन। खुई परमेश्‍वर विरोध खाबेकी खित्‍सादुका खोल्‍ला दोक खिता चालाते ईन। च्‍यिला सासीन मि ईनलाङ खोचेन खोरोङला परमेश्‍वरराङ ईन खिदुक,” सिन सिदुक।

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 19:7

थेमे थे यहूदीओनगी “दिकी दि खोरोङला परमेश्‍वर फुज्‍युङ ईन खिदुक। ङ्योकोनते नियमज्‍यीक ओत। थे नियम ताजीन थोक साबेकी खित्‍सादु दिला सेताराङ फाप्‍क्‍यो,” सिन सिदुक।

यूहन्‍ना 4:12

दि इनार ङ्योकोन ज्‍युज्‍यु याकूबकी ङ्योकोनला बिन्‍गीन ज्‍याक्‍पाते ईन। थेत्ताङ थे फुज्‍युङबा थेमे थेबे रा ठोन्‍डोकीङ दि इनार छ्युराङ थुबाते ईन। थोक ईन्‍सीन च्‍यि खो ङ्योकोन ज्‍युज्‍यु याकूब भन्‍दाङ छ्ये ईन ओना?” सिन सिदुक।

यूहन्‍ना 5:18

थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।