यूहन्‍ना 8:48 - जिरेल

⁴⁸ थेमे यहूदीओनगी थेला “ङ्योकोनगी खोल्‍ला खो सामरी ईन थेमे खोल्‍ला ल्‍हन्‍डीक खोला दुक साबाते बात पक्‍काराङ मेन्‍दाक्‍वा ओना?” सिन सिदुक।

यूहन्‍ना 8:48 ပူးပေါင်းရင်းမြစ်များ

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 10:5

थेमे काम खिताला तोङा भन्‍दा गोमा येशूकी थेबेकी चुक चुक खिता फाप्‍कीते सिन थेबा मेन्‍दा च्‍युन्‍ङीला “लो था ख्‍योकोनबरी ग्‍युक। ज्‍येन ज्‍येन जातकी मि देत्‍साला थेमे सामरीओन देत्‍से सार सारलाचेन मान्‍डो।

मत्ती 11:18

बात च्‍यि सासीन यूहन्‍नेकी छ्याङ रक्‍सी सिराते बान्‍दा माथुसुङ। थेमे बर्तङ देत्‍सुङ। तर ख्‍योकोन गाङेकी थेला ल्‍हन्‍डीक खोबाते मि दुका सिन सासुङ।

मत्ती 12:24

मिओनगी थोक सिरा थोकीन फरिसी पाटी मिओनगीचेन “दि छ्याःङ अचम्‍बते बात मेन। ल्‍हन्‍डीक गेल्‍बो बालजिबुलताङ डिक्‍लाका दिकी थे शक्तिदुकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

मत्ती 12:31

ङा ख्‍योकोनला च्‍यि सिते सासीन मिओनगी जे पाप खासीनोङ थेमे परमेश्‍वर विरोध खाईन जे सासीनोङ थे माफ ङेता थुप्‍क्‍यो। तर ईन्‍दा मेन्‍दा साला परमेश्‍वर आत्‍मे विरोध खित्‍कान्‍ते मिकीचेन नोमुङ माफ मेङेदो।

मत्ती 15:7

ख्‍योकोन चुक्‍तेन्‍दे ईन्‍दाका। यशैयेकी परमेश्‍वरगी थाङबो ख्‍योकोन विषयला सिर च्‍युताते बात खिन दोक सिन साबाते बात ख्‍योकोनगी खिन ओताते कामताङ लेमु खाला डिइदुक। परमेश्‍वरगी साबाते बात थेकी दोक सिन साबा ओतान।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 10:20

थेबे नाङ काल्‍बा च्‍योक्‍तेकी “दिचेन ल्‍हन्‍डीक खोकीन ङ्योबाते ईन। ख्‍योकोन दि बात च्‍यिला ङेन्‍गीते?” सिन सासुङ।

यूहन्‍ना 13:13

ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

यूहन्‍ना 4:9

थेमे थे फेम्‍मे मिकी “ङानी सामरीका ईन। ख्‍योकोन यहूदीला छ्यु चले मिक्‍किओ। थोगी खो चुक खाला ङे बिन्‍दे छ्यु थुङगीते?” सिन सिदुक। यहूदीओनगी सामरीओनला सानु जाति सिन थेबे नाङ लिनदिन छ्याःङ ओङगीन मेतान।

यूहन्‍ना 7:20

थेकी दोक सिरजीन थेरू ओताते मिओनगी “खोल्‍ला ल्‍हन्‍डीक खोला दुक। खोल्‍ला सुई सेता छोल्‍गीका?” सिन सिदुक।

यूहन्‍ना 8:22

थोक सिरजीन यहूदीओनते छ्ये छ्ये मिकी “दिकी ‘ङा डोसादु ख्‍योकोन ओङा मुथुबो,’ साबाते च्‍यि साबाते ईन्‍ताका? ना दिकी थे खोरोङ स्‍येरे खाला स्‍यिइओ साबाते ईन्‍ताका?” सिन सिराला स्‍यूसुङ।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

रोमी 15:3

येशू ख्रीष्‍टकीङ नोमुङ थे खोरोङ फाइदा ताकीन काम खाबा मेतान। थेकी दोक खिओ सिन परमेश्‍वर बातला गोमाका “परमेश्‍वर, मिओनगी खोल्‍ला ईन्‍दा मेन्‍दा साबाते थेमे मोताते ङालाराङ खाबाच्‍योक ओङसुङ,” सिन टिबा ओतान।

हिब्रू 13:13

थोगी ङुरूङगीङ येशू ओत्‍सादु फिला गाल्‍ला मिओनगी थेला खाबाते इज्‍जत बेइज्‍जत खपे खिता फाप्‍क्‍यो।

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।