यूहन्‍ना 8:47 - जिरेल

⁴⁷ परमेश्‍वरताङ डिक्‍कान्‍ते मिकीचेन थेकी साबाते बात ङेन्‍ग्‍यो। ख्‍योकोन थेत्ताङ डिक्‍कान्‍ते मि मेन्‍देकीराङ ख्‍योकोनगी थे बात ङेनराङ मेङेन्‍दुक,” सिन सिदुक।

यूहन्‍ना 8:47 ပူးပေါင်းရင်းမြစ်များ

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 6:65

थोरूमोङ बात खिन थेकी “थोगीराङ ङे ख्‍योकोनला गोमाका ङे आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो सिन साबाते ईन,” सिन सिदुक।

यूहन्‍ना 8:37

ईन, ख्‍योकोन अब्राहाम सन्‍तान ईन सिन ङाला लेमुराङ खाला छ्या ओत। ईन्‍सीनोङ ख्‍योकोन ङाला सेता छोल्‍गीदुक। च्‍यिला सासीन ख्‍योकोनगी ङे बात खेराङ सेमदु ज्‍य्‌वाराङ मोज्‍योदुक।

यूहन्‍ना 8:43

ख्‍योकोनगी ङे साबाते बात च्‍यिला खोबा मुथुप्‍का? ङेन्‍दा चाला ईन्‍सीन ख्‍योकोनगी ङे साबाते लेमु खाला खोबा थुप्‍च्‍या ओतान।

यूहन्‍ना 8:45

ङा साँचोते बात खिओ। थोगीराङ ख्‍योकोन ङे बात पत्ते मिक्‍किदुक।

१ यूहन्‍ना 3:10

सु सु परमेश्‍वर फुज्‍युङ फुमु ईन्‍दाका सु सु शैतान सन्‍तान ईन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन लेमु काम मिक्‍किकान्‍ते मिङ दाक्‍पोन आज्‍यो न्‍वाला ङिङज्‍ये मिक्‍किकान्‍ते मिङ परमेश्‍वर फुज्‍युङ फुमु ईनराङ मेन।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।