यूहन्‍ना 8:46 - जिरेल

⁴⁶ ख्‍योकोन नाङ खाङगीचेन ङाला खुई दि दि पाप खासुङ सिन सिरा थुप्‍कीते? थोक मेन सासीन ङे साँचोते बात खित्‍जीन ख्‍योकोन च्‍यिला ङे बात पत्ते मिक्‍किते?

यूहन्‍ना 8:46 ပူးပေါင်းရင်းမြစ်များ

मत्ती 21:25

लो दि बात ङाला सिते ओना, मिओनला छ्युला लुक्‍ला बप्‍तिस्‍मा तेरकान्‍ते यूहन्‍नाला थे काम खि सिन परमेश्‍वरगी ताङाते ईन्‍दाना मिकी ईन्‍दे?” सिन सिदुक। थोक सानामेई थेबाबरी था च्‍यि सिरापना च्‍यि सिराप गाल्‍गीन खोपरोङ नाङ दोक सिन ठो खिताला स्‍यूसुङ। “था दिला च्‍यि सिरच्‍ये? यूहन्‍नाला थे काम खिताला परमेश्‍वरगी ताङाते ईन सिइ सासुङ सासीन दिकी ङुरूङला च्‍यिला थे बात माङेन्‍दे सिरच्‍या ओङसुङ।

मर्कूस 11:31

थोक सानामेई थेबाबरी था च्‍यि सिरापना च्‍यि सिराप गाल्‍गीन खोपरोङ नाङ दोक सिन ठो खिताला स्‍यूसुङ। “था दिला च्‍यि सिरच्‍ये? यूहन्‍नाला थे काम खिताला परमेश्‍वरगी ताङाते ईन सिइ सासुङ सासीन दिकी ङुरूङला च्‍यिला थे बात माङेन्‍दे सिरच्‍या ओङसुङ।

यूहन्‍ना 14:30

था ङा काल्‍बासाक ख्‍योकोनताङ बात खिन देता मेङेदो। था दि सा लुङबे गेल्‍बो शैतान होत्ता ओङगीन ओत। थे ङा भन्‍दा छ्ये मेन। थेमे थेकी ङाला छ्याःङ खिता मुथुबो।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 16:8

थेमे थेकी वाला दि सा लुङबे मिओनला थेबेकी पाप खाबेकी खित्‍सादु थेबा दोषीराङ ईन सिरच्‍येते, परमेश्‍वरगी चुक्‍ते मिला दोषी मेन सिते सिरच्‍येते थेमे ङीमाई परमेश्‍वरगी गाङेते न्‍याय खिओ सिरच्‍येते बात छ्या स्‍ये ज्‍युत्‍क्‍यो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 8:47

परमेश्‍वरताङ डिक्‍कान्‍ते मिकीचेन थेकी साबाते बात ङेन्‍ग्‍यो। ख्‍योकोन थेत्ताङ डिक्‍कान्‍ते मि मेन्‍देकीराङ ख्‍योकोनगी थे बात ङेनराङ मेङेन्‍दुक,” सिन सिदुक।

यूहन्‍ना 8:7

थेबेकी थे बात ठिइनराङ देत्‍नामेई थेकी खुक्‍सादुकी गोः खोक लाङगीन “ओङगो ओङगो, ख्‍योकोन नाङ नोमुङ पाप मिक्‍किकान्‍ते जो दुक, थेकीराङ दिला गाङे भन्‍दा गोमा दोईकी ग्‍योप,” सिन सिदुक।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”