यूहन्‍ना 8:43 - जिरेल

⁴³ ख्‍योकोनगी ङे साबाते बात च्‍यिला खोबा मुथुप्‍का? ङेन्‍दा चाला ईन्‍सीन ख्‍योकोनगी ङे साबाते लेमु खाला खोबा थुप्‍च्‍या ओतान।

यूहन्‍ना 8:43 ပူးပေါင်းရင်းမြစ်များ

मत्ती 13:15

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। थेमे थोक खानामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 5:43

आबेकी ताङेकी ङा दुरू वाबाते ईन। ईन्‍सीनोङ ख्‍योकोन ङाला छ्याःङ वास्‍ता मिक्‍किदुक। सुइँदा खोपरोङ खुशीकी ङा ङाराङ ईन सिन वासीनचेन ख्‍योकोन थेला आउदी खाला मान खिदुक।

यूहन्‍ना 6:60

येशूकी साबाते दि बाततेबा थेत्ताङ ख्‍याम्‍कान्‍ते ज्‍येन चेलाओन सेमला मागाल्‍सुङ। थोगी थेबा “दोक बादोङ सुई ङेन्‍गीते? दिकी साबाते बातनी सुङगीङ सेमला डोच्‍या मिन्‍दुक,” सिराला स्‍यूसुङ।

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

यूहन्‍ना 8:27

थेकी खाबाते दि बाततेबा आबाते विषयला खाबाते ईन सिन थेबेकी थोरूमोङ माखोसुङ।

यूहन्‍ना 8:33

थोक सिरजीन थेबेकी “ङ्योकोननी अब्राहाम सन्‍तान ईन। थेमे थातासाक सुङगीङ योक्‍पो योङमु ओङा मेत सासीन खो चुक खाला ङ्योकोनला योक्‍पो योङमु खिन ओत्‍सादुई डेल्‍च्‍ये बात खिते?” सिन सासुङ।

यूहन्‍ना 8:39

थेकी थोक सिरजीन लोईन थेबेकी “ङ्योकोन आबानी अब्राहामराङ ईन,” सिन सिदुक। थेमे थेकी “ख्‍योकोन अब्राहाम सन्‍तान ईन्‍दा ईन्‍सीन ख्‍योकोनगी थेकी खाबा च्‍योकराङ खित्‍च्‍या ओतान।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

रोमी 3:11

गाङे मि लेम्‍बा गाल्‍गीन सिन्‍ला दुक। परमेश्‍वर छ्य्‌वापा लै खित्‍च्‍येते सेम सिराते सुङगीतेङ मिन्‍दुक।