यूहन्‍ना 8:29 - जिरेल

²⁹ ङाला दुरू तोङकान्‍ते ङात्ताङ ङ्योम्‍बुराङ ओत। ङे थेला मन परे खित्‍च्‍येते कामकामा खित्‍च्‍येते ईन्‍देकी थेकी ङाला च्‍यिकराङ ज्‍याक्‍पा मेत,” सिन सिदुक।

यूहन्‍ना 8:29 ပူးပေါင်းရင်းမြစ်များ

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

यूहन्‍ना 14:31

ङे आबाला ङिङज्‍ये खित्‍च्‍याक्‍वा थेमे थेकी खि साबा साबाकामा खित्‍च्‍याक्‍वा सिन दि सा लुङबे मिओनगी छ्या स्‍येबाराङ फाप्‍क्‍यो। लो ल्‍वा, था ङुरूङ दुरूकी डुइ,” सिन सिदुक।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 16:32

तर दि बात ङेन। चुक सासीन था समयज्‍यीक ओङगो, सिइराङ सासीन थे समय लेप्‍कीन सिन्‍दा ओत। थेजीन ख्‍योकोन ङाला च्‍यिकराङ ताङला खेराङ खेराङ खाम्‍बाला फ्रोला डुइओ। थोक ओङसीनोङ आबा ङात्ताङ ङ्योम्‍बु ओतेकी ङा ङाराङकामा देता माफाबो।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 5:30

ङा ङाराङगीकामा छ्याःङ खिता मुथुबो। मिओन न्‍याय खित्‍जीन ङा आबेकी ङाराङला खि साबा साबाच्‍योक खालाकामा खिओ। ङा लेमु खाला न्‍याय खिओ। च्‍यिला सासीन ङाराङला खिता सेम लाबाच्‍योक खाला मेन्‍देकी ङाराङला दुरू तोङकान्‍तेला खुशी ज्‍वाप्‍ला ङा दोक खाला काम खिओ।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

यूहन्‍ना 8:16

ङे सुइँदा मि दोषी ईन्‍दाना मेन्‍दे सिन सिरा फाप्‍सीन ङा लेमु खाला विचार खालाकामा थोक खिओ। च्‍यिला सासीन दि काम ङाराङकामा मिक्‍किता खाला ङाला दुरू तोङकान्‍ते आबाताङ ङा ङिकाराङ डिक्‍ला खिओ।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

२ तिमोथी 4:22

लो प्रभु येशू ख्रीष्‍ट खोत्ताङ ङ्योम्‍बुराङ देत्‍स्‍यीत। थेमे ख्‍योकोन गाङेला थेकी दया खिनराङ देत्‍स्‍यीत।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।