यूहन्‍ना 8:28 - जिरेल

²⁸ थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

यूहन्‍ना 8:28 ပူးပေါင်းရင်းမြစ်များ

मत्ती 24:5

परमेश्‍वरगी तोङगो साबाते ख्रीष्‍ट ङाराङ ईन सिरकान्‍ते मिओन था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

मर्कूस 13:6

परमेश्‍वरगी मिओनला जोए खिताला तोङगो साबाते मि ङाराङ ईन सिरकान्‍ते मि था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 13:19

था थोक ओङजीन ख्‍योकोनगी ङाला परमेश्‍वरगीराङ ताङाते दुका सिन छ्या स्‍येस्‍यीत सिनराङ थोक ओङा भन्‍दा गोमाराङ ङे ख्‍योकोनला साबाते ईन।

यूहन्‍ना 16:10

थेकी थेबाला परमेश्‍वरगी चुक्‍ते मिला दोषी मेन सिते सिनोङ छ्या स्‍ये ज्‍युत्‍क्‍यो। च्‍यिला सासीन था ङा दुरूकी आबा ओत्‍साने डुइओ। थेमे ख्‍योकोनगी ङाला मोथोङो।

यूहन्‍ना 18:32

थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 19:18

थेरू क्‍याल्‍गीन मिल्‍टेरीओनगी येशूला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन लाङसुङ। थेबेकी येशूला किल्‍दु पारे खाईन थे फारताङ छुरला ज्‍येन मेन्‍दा ङि मिलाङ थेला च्‍योकराङ खाईन स्‍यिङगी थाम रेरेला टाँए खासुङ।

यूहन्‍ना 3:11

ङा खोल्‍ला दि बात सिओ। च्‍यि सासीन ङ्योकोन खालि ङेराङला छ्या ओतातेताङ ङेराङ मिगी थोङाते बातकामा ज्‍येनला लाःप्‍क्‍यो। थोक ईन्‍सीनोङ ख्‍योकोन सुङगीङ ङ्योकोन बात पत्तेराङ मिक्‍किदुक।

यूहन्‍ना 3:14

थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

यूहन्‍ना 4:26

थोक सिरजीन येशूकी “होथेचेन थाल्‍ला खोरोङताङ बात खिन ओताते ङाराङ ईन,” सिन सिदुक।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

यूहन्‍ना 5:30

ङा ङाराङगीकामा छ्याःङ खिता मुथुबो। मिओन न्‍याय खित्‍जीन ङा आबेकी ङाराङला खि साबा साबाच्‍योक खालाकामा खिओ। ङा लेमु खाला न्‍याय खिओ। च्‍यिला सासीन ङाराङला खिता सेम लाबाच्‍योक खाला मेन्‍देकी ङाराङला दुरू तोङकान्‍तेला खुशी ज्‍वाप्‍ला ङा दोक खाला काम खिओ।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

यूहन्‍ना 8:24

थोगीराङ ङे ख्‍योकोनला ‘पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ,’ सिन साबाते ईन। ङे ङाराङ सु ईन्‍दे सिन साबाते बात ख्‍योकोनगी पत्ते माक्‍यासुङ सासीन ख्‍योकोन खेराङ पापकी सजायदुकी थारराङ माथारो,” सिन सासुङ।

यूहन्‍ना 8:27

थेकी खाबाते दि बाततेबा आबाते विषयला खाबाते ईन सिन थेबेकी थोरूमोङ माखोसुङ।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 4:4

थेबाला थोक खासीनोङ थेबा ङिबोकी खाबाते बात थोकान्‍ते काल्‍बा च्‍योक मिकी थेबे बात ङेन्‍गीन येशूला विश्‍वास खिताला स्‍यूसुङ। थे छोमुसाकला येशूला विश्‍वास खित्‍कान्‍ते मि हजार ङाजो ख्‍योल्‍गीन सिन्‍दा ओतान।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।