यूहन्‍ना 8:24 - जिरेल

²⁴ थोगीराङ ङे ख्‍योकोनला ‘पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ,’ सिन साबाते ईन। ङे ङाराङ सु ईन्‍दे सिन साबाते बात ख्‍योकोनगी पत्ते माक्‍यासुङ सासीन ख्‍योकोन खेराङ पापकी सजायदुकी थारराङ माथारो,” सिन सासुङ।

यूहन्‍ना 8:24 ပူးပေါင်းရင်းမြစ်များ

मत्ती 24:5

परमेश्‍वरगी तोङगो साबाते ख्रीष्‍ट ङाराङ ईन सिरकान्‍ते मिओन था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

मर्कूस 13:6

परमेश्‍वरगी मिओनला जोए खिताला तोङगो साबाते मि ङाराङ ईन सिरकान्‍ते मि था काल्‍बेई ओङगो। थेबा वाला थोक्‍ते बात खाला मि काल्‍बेईला छक्‍के खिओ।

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

यूहन्‍ना 13:19

था थोक ओङजीन ख्‍योकोनगी ङाला परमेश्‍वरगीराङ ताङाते दुका सिन छ्या स्‍येस्‍यीत सिनराङ थोक ओङा भन्‍दा गोमाराङ ङे ख्‍योकोनला साबाते ईन।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 4:26

थोक सिरजीन येशूकी “होथेचेन थाल्‍ला खोरोङताङ बात खिन ओताते ङाराङ ईन,” सिन सिदुक।

यूहन्‍ना 8:21

येशूकी लोईन थेबाला “था तिरी ङा दुरूकी डुइओ। थेमे ख्‍योकोनगी ङाला छोल्‍ग्‍यो। पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ। ङा डोसादु ख्‍योकोन ओङा मुथुबो,” सिन सिदुक।

यूहन्‍ना 8:25

थोक सिरजीन थेबेकी “खो सु ईन्‍दे ओना?” सिन सासुङ। थेमे थेकी “ङा सु ईन्‍दे सिन ङे ख्‍योकोनला थोङलामेई याङ याङ सिन वाबा ओत।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।