यूहन्‍ना 8:17 - जिरेल

¹⁷ ‘खइँदा बातला दि बात दोक दोक ईन सिन मेन्‍दा ङि मिकी सानामेई थे बात पक्‍का ओङगो,’ सिन ख्‍योकोनला बिन्‍दाते परमेश्‍वर नियमला टिबा ओत।

यूहन्‍ना 8:17 ပူးပေါင်းရင်းမြစ်များ

मत्ती 18:16

खेराङ दोक्‍पोईकीकामा सिरजीन थेकी ङे थोक खाबाते ईनराङ मेन सासीन ज्‍येनोङ मेन्‍दाज्‍यीक मेन्‍दा ङिला टीला खेरला थेकी थोक खाबाते लेमु मेन सिन याङराङ थेला थेबे दोन्‍दुङ सम्‍झे खि। च्‍यिला सासीन सुइँदेकी दिकी दोक दोक खाबाते ङे मिगीराङ थोङाते ईन सिन मेरा ङि सुमगी साबाते बात ङेन्‍लाकामा थे मि दोषी ईन सिरा ओङगो सिन सिरा ओत।

यूहन्‍ना 10:34

थोक सिरजीन थेकी “च्‍यि ख्‍योकोन नियमला ‘ख्‍योकोन खेराङराङ परमेश्‍वर फुज्‍युङ फुमु ईन,’ सिन परमेश्‍वरगी साबाते बात टिबा मेत?

यूहन्‍ना 15:25

थेबेकी थोक खाबातेचेन परमेश्‍वरगी खोपरोङला बिन्‍दाते नियमला ‘छ्याःङ गल्‍तीराङ मेताला थेबेकी ङाला मिगी थोङसार्मु खासुङ,’ सिन टिबाते बात साबा च्‍योकराङ ओङाला ईन।

२ कोरिन्‍थी 13:1

दि बाजिताङनी ङा थेपा वाबाते पालो सुम छाङगो। थेपा वाला ङा परमेश्‍वर बातला साबा च्‍योकराङ खाला कम्‍तीतेङ मेरा ङि सुम मिकी दिकी दोक खाबाते ङेराङ थोङाते ईन सिन सानामेईकामा सु सु दोषी ईन्‍दाका सिन डेल्‍ग्‍यो।

गलाती 3:24

ख्रीष्‍ट मावाथुप परमेश्‍वर नियमचेन ङुरूङ लाईदु दोक खि, थोक माकेत सिन फिजाओनला कोत्‍कान्‍ते मि च्‍योककामा ओतान। तर ख्रीष्‍ट वाकीन थेला विश्‍वास खानामेईचेन परमेश्‍वरगी ङुरूङला दोषी मेन सिन साबा ओत।

गलाती 4:21

ख्‍योकोनला परमेश्‍वर नियमला खि साबा साबा ङेन्‍ला थे नियम अधीनला देता सेम लाङगीदुक मेन ओना? थोक ईन्‍सीन ख्‍योकोनगी ङाला दि बातज्‍यीक सिते ओना। च्‍यि ख्‍योकोनगी थे नियमला साबाते बात गाङे लेमु खाईन खोबा ओत?

हिब्रू 10:28

मोशेकी टिबाते परमेश्‍वर नियम माङेन्‍गीन सुइँदेकी गल्‍ती खासीन थेमे दि मिकी दोक दोक खाबाते ङेराङ थोङाप सिन मेन्‍दा ङि सुमगी मि रूसादु सानामेई गल्‍ती खित्‍कान्‍ते मिला छ्याःङ दया मिक्‍किता खाला दाक सेत्‍क्‍यो।

१ यूहन्‍ना 5:9

सुइँदा मिकी दि बात दोक दोक ईन सिन सानामेई ङुरूङ दाक पत्ते खिओ सासीन च्‍यि परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात ङुरूङगी पत्ते मिक्‍किच्‍या? मिकी साबाते बात भन्‍दा परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात झन पत्ते खिता थुप्‍च्‍येते मेनरो?

छ्या स्‍ये च्‍युताते बात 11:3

थेमे ङा सु ईन्‍दे, ङे च्‍यि खिते सिन बात खित्‍कान्‍ते मेरा ङिला ङा शक्ति बिन्‍ला ङे बात खिताला तोङगो। थेबेकी पीर लाबे बेलाला च्‍योकराङ खाला भाङ्‌रे खोलाक खोन्‍ला ङीमा सय च्‍युन्‍ङीताङ खाल सुमसाक ङे सिर च्‍युताते बात खिओ,” सिन ङाराङला साबाते बात थोसुङ।