यूहन्‍ना 7:42 - जिरेल

⁴² च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

यूहन्‍ना 7:42 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 2:5

ठिजीन थेबेकी “ख्रीष्‍टनी यहूदिये अञ्‍चलते बेथलेहेमदु केइओ। च्‍यिला सासीन परमेश्‍वरगी थे खोरोङ बात खित्‍कान्‍ते मिला दोक सिन टिक च्‍युता ओतान।

मत्ती 2:6

चुक सासीन ‘बेथलेहेमला यहूदिये लुङबे नाङ ओताते ज्‍येन ज्‍येन सार भन्‍दा टेक्‍टेते सिन सुङगीङ सिरा मेङगो। च्‍यिला सासीन थेरू गेल्‍बोज्‍यीक केइओ। थेमे थेकीराङ ङाराङगी छाने खाबाते इस्राएलीओनला लेमु खाला राज्‍य खिओ,’ सिन साबा ओत,” सिन सासुङ।

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

लूका 2:4

यूसुफोङ गालील अञ्‍चल नासरत सारदुकी मिन टिक्‍पाला यहूदिये अञ्‍चल बेथलेहेम सारनापा गाल्‍सुङ। थाङबो गेल्‍बो दाऊद बेथलेहेमदुराङ केबा ओतान। यूसुफोङ गेल्‍बो दाऊद सन्‍तान ईन्‍देकी थेपा ड्वा फापा ओतान।

यूहन्‍ना 7:27

दि मि खापेते ईन्‍दे सिन ङुरूङला लेमुराङ खाला छ्या ओत। ख्रीष्‍ट ओङजीन थे दुरूकीराङ वाबाते ईन सिन सुङगीङ छ्या मेस्‍येओ,” सिन सिराला स्‍यूसुङ।