यूहन्‍ना 7:15 - जिरेल

¹⁵ थेकी थोक लेमु खाईन थे बात लापा थोकीन यहूदीओनते छ्ये छ्ये मि छक्‍क परे खिन “आबिई, धर्मे गुरूओनगी च्‍योक खाईन परमेश्‍वर बात नोमुङ पढे माक्‍याबाते ईन्‍सीनोङ दिकी दि बाततेबा चुक खाईन छ्या स्‍येताका?” सिन बात खिताला स्‍यूसुङ।

यूहन्‍ना 7:15 ပူးပေါင်းရင်းမြစ်များ

मत्ती 13:54

थेमे थेरू थे खोरोङ युलदु मिटिङ खित्‍च्‍येते खाम्‍बादु मिओनला लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

मत्ती 22:22

थेकी थोक सानामेई थेबाला आउदी अचम्‍ब लासुङ। थेकी थोक सितासीन सिन थेबेकी सेमगी छेउलाङ नोबा मेतान। थोगी थेबा ज्‍येनतोक छ्याःङ मिसिरा खाईन खोपरोङ खोपरोङ लाम जुम्‍गीन ख्‍याम्‍सुङ।

मत्ती 22:33

थेकी थोक साबा थोकीन ओहो दिकी चुक अचम्‍ब खाला बात लोप्‍च्‍या ईन्‍दाका सिन थेरू ओताते मि गाङे छकदाङ परे खासुङ।

लूका 2:47

थेरू थेकी थे धर्मे गुरूओनगी साबाते बात आउदी लेमु खाईन खोबाते थेमे थेबेकी ठिबाते बातओनोङ आउदी लेमु खाईन लाःपाते थोङजीन थेरू ओताते मिबरी दि चुक अचम्‍बज्‍यीक फिजा ईन्‍दाका सिन छक्‍क परे खासुङ।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 7:11

थेमे यहूदीओनते छ्ये छ्ये मिकी “थे मि खापा दुका हँ?” सिन थेरू चाड माने खिताला वाबाते मिओन नाङ येशूला छोलाला स्‍यूसुङ।

यूहन्‍ना 7:13

थोक ईन्‍सीनोङ यहूदीओनते छ्ये छ्ये मि ज्‍यीबेकी खित्‍सादु सुङगीङ गाङेकी थोच्‍या खाला बात खिन मेतान।

यूहन्‍ना 7:46

ठिजीन थेबेकी “आबिई, ङ्योकोननी थेकी बात खाबा थोङगीनराङ ख्‍यारसुङ। थेकी च्‍योक खाईननी ङ्योकोनगीनी थातासाक सुङगीङ बात खिताराङ थोबा मेत,” सिन सिदुक।

शक्ति काम 26:24

पावल दोक खाला बात खिन खिनला किल्‍दुराङ हाकिम फेस्‍तसकी गाङेकी थोच्‍या खाईन “पावल, खो लेम्‍बे बात माकेत। खोनी काल्‍बा बात छ्या स्‍येच्‍या गाल्‍गीन ङ्योकीन सिन्‍दुक,” सिन सासुङ।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।