यूहन्ना 6:63 - जिरेल63 मिओनला नोमुङ मिसिन्च्येते जुनी तेरकान्ते परमेश्वर आत्मा ईन। मिकीचेन दोक खिताराङ मुथुबो। ङे ख्योकोनताङ खाबाते बाततेबा परमेश्वर आत्मेते थेमे नोमुङ मिसिन्च्येते जुनी बात ईन। အခန်းကိုကြည့်ပါ။ |
यूहन्ना 6:63
31 ပူးပေါင်းရင်းမြစ်များ
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
परमेश्वरगी ख्योकोनला लोक्ला केर ज्युताच्योक खाईन साम्बाते जुनी बिन्दा ओत। दि काम थेकी थे खोरोङ बातकी छ्य्वापेई खाबाते ईन। पालोई स्यिला डोच्येते मि छ्य्वापेई फिजा केबाच्योक मेन्देकी नोमुङ फरक परे मिक्किच्येते थे खोरोङ बातकी छ्य्वापेई परमेश्वरगी ख्योकोनला दि साम्बाते जुनी बिन्दाते ईन। थे खोरोङ बातकी छ्य्वापेई परमेश्वरगी मि नाङ काम खिओ, परमेश्वर बातला जे साला दुक थे पक्काराङ ओङगो।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
ကြော်ငြာတွေ