यूहन्‍ना 6:60 - जिरेल

⁶⁰ येशूकी साबाते दि बाततेबा थेत्ताङ ख्‍याम्‍कान्‍ते ज्‍येन चेलाओन सेमला मागाल्‍सुङ। थोगी थेबा “दोक बादोङ सुई ङेन्‍गीते? दिकी साबाते बातनी सुङगीङ सेमला डोच्‍या मिन्‍दुक,” सिराला स्‍यूसुङ।

यूहन्‍ना 6:60 ပူးပေါင်းရင်းမြစ်များ

मत्ती 11:6

छ्याःङ शंका मिक्‍किता खाला ङाला परमेश्‍वरगी ताङाते ईन सिन विश्‍वास खित्‍कान्‍ते मि भाग्‍यमानी ईन सिन सि,” सिन सिदुक।

यूहन्‍ना 2:2

येशूताङ थे चेलाओनलाङ निम्‍तो खाबा ओतेकी थेबाङ फाङमाला गाला ओतान।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 6:52

थेकी थोक सानामेईनी यहूदीओन थेत्ताङ झन स्‍येदाङ खिन “दिकी चुक खाला ङुरूङला दि खोरोङ जीउ सो सिन तेरगीते? थेमे चुक खाला ङुरूङगी दि स्‍या साच्‍ये?” सिराला स्‍यूसुङ। थेकी साबाते बातला माडिगीन थेबा खोपरोङ नाङ थोम्‍मु खिताला स्‍यूसुङ।

यूहन्‍ना 6:64

दोक ईन्‍सीनोङ ख्‍योकोन नाङ कोई कोई ङाला विश्‍वास मिक्‍किकानोङ ओत,” सिन सिदुक। सु सुकी थे खोरोङला विश्‍वास मिक्‍किते थेमे सुई थेला धोका तेरगीते सिन थेला शुरूमेईराङ छ्या ओत्‍कीन ओतान।

यूहन्‍ना 6:66

थेमे थे छोमुमेकी येशू चेलातेबा काल्‍बेई थेत्ताङ माख्‍याम्‍च्‍या खाईन थेला ताङगीन गाल्‍सुङ।

यूहन्‍ना 7:3

थेमे न्‍वातेबेकी थेला “आज्‍यो, खो देङला देता भन्‍दा यहूदियापा ग्‍युक। दोक खासीन खुई खित्‍च्‍येते अचम्‍बते कामओन थेपा खोरोङ ज्‍येन चेलाओनगीङ थोङा ङेत्‍क्‍यो।

यूहन्‍ना 8:31

थे खोरोङला विश्‍वास खिताला स्‍यूबाते यहूदीओनताङ बात खिन येशूकी “ख्‍योकोनगी ङे लापा च्‍योकराङ खिन देत्‍सीन ख्‍योकोन पक्‍काराङ ङे चेला ईन।

यूहन्‍ना 8:43

ख्‍योकोनगी ङे साबाते बात च्‍यिला खोबा मुथुप्‍का? ङेन्‍दा चाला ईन्‍सीन ख्‍योकोनगी ङे साबाते लेमु खाला खोबा थुप्‍च्‍या ओतान।

हिब्रू 5:11

ङुरूङते गाङे भन्‍दा छ्येते पूजारी विषयला ख्‍योकोनला सिरा फाप्‍च्‍येते दोक्‍ते बात थोरूमोङ काल्‍बेई ओत। ईन्‍सीनोङ ख्‍योकोन खोले खोलेकामा खोकान ईन्‍देकी दोक्‍ते बात पालोईला सिराराङ मुथुबो।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।