यूहन्‍ना 6:58 - जिरेल

⁵⁸ स्‍वर्गनेकी देमा वाबाते सापकी बातचेन होदिराङ ईन। स्‍वर्गनेकी वाबाते सापचेन ख्‍योकोन ज्‍युज्‍यु पुर्खेकी सोबाते साप च्‍योक्‍ते मेन। थेबानी थे साप सोसीनोङ तिरी दाक स्‍यिसुङ। ङे थाल्‍ला साबाते साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 6:58 ပူးပေါင်းရင်းမြစ်များ

यूहन्‍ना 11:26

ङाला विश्‍वास खाला नोमुङ मिसिन्‍च्‍येते जुनी ङेता ओताते मिला कालगी छ्याःङ खिता मुथुबो। च्‍यि खो दि बात पत्ते खिओ?” सिन सिदुक।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:41

थेकी थे खोरोङला परमेश्‍वरगी तेरच्‍येते स्‍वर्गे साप ईन सिन साबाते बात थेरू ओताते यहूदीओन सेमला मागाल्‍सुङ।