यूहन्‍ना 6:45 - जिरेल

⁴⁵ परमेश्‍वर बात खित्‍कान्‍ते मिओनगी ‘परमेश्‍वरगीराङ मि गाङेला थे खोरोङ बात लाप्‍ला तेरग्‍यो,’ सिन टिबा ओत। आबेकी साबाते बात ङेन्‍ला खि साबाच्‍योक खित्‍कान्‍ते मि जति ङे छ्य्‌वापा लै खिओ।

यूहन्‍ना 6:45 ပူးပေါင်းရင်းမြစ်များ

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मर्कूस 1:2

दि गा लाङच्‍येते बातचेन परमेश्‍वर बात खित्‍कान्‍ते यशैयेकी टिबा ओता च्‍योकराङ खाईन शुरू ओङसुङ। येशू ख्रीष्‍ट ओङजीन चुक ओङगीते सिन परमेश्‍वरगी साबाते बात यशैयेकी दोक सिन टिबा ओतान। चुक सासीन “खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान।

लूका 1:70

शत्रु लाःक्‍तुकी थेमे ङुरूङला मिगी थोङसार्मु खित्‍कान्‍तेबा गाङे लाःक्‍तुकी डेल्‍ग्‍यो सिन परमेश्‍वरगी थे खोरोङ बात खित्‍कान्‍ते मिओनला गोमाकाराङ सिर च्‍युता ओतान।

लूका 18:31

थेमे येशूकी थे खोरोङ चेला च्‍युन्‍ङीला मि नाङदुकी टिक्‍पी फजेकपा खेरगीन “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर बात खित्‍कान्‍तेबेकी परमेश्‍वर ओत्‍सादुई वाबाते मि ङाला चुक चुक ओङगीते सिन टिबाते गाङे बात साबा च्‍योकराङ ओङगो।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:65

थोरूमोङ बात खिन थेकी “थोगीराङ ङे ख्‍योकोनला गोमाका ङे आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो सिन साबाते ईन,” सिन सिदुक।

शक्ति काम 13:40

बात चुक चुक ईन्‍दाका सिन ख्‍योकोन गाङेकी दाक थोसुङ। थोगी था ङ्योकोनगी साबाते बातओन लेमु खाला ङेन। मेन सासीन गोमा परमेश्‍वर बात खित्‍कान्‍ते मिओनगी साबाते दि बाततेबा ख्‍योकोन गोःनामा फाबोङ।

शक्ति काम 7:42

थेबेकी थोक खाबेकी खित्‍सादु परमेश्‍वरगी थेबाला मन परे माक्‍यासुङ। थेकी थेबाला था जेसुकै खित्‍स्‍यीत सिन खोपरोङ खुशीला ताङसुङ। थोक ओङनामेई थेबेकी दागार, ङीमाताङ कार्मालाका ल्‍हा सिन माने खिताला स्‍यूसुङ। थेबेकी थोक खाईन परमेश्‍वरला माने खिता ताङा ओतान सिन परमेश्‍वरगी थेबाताङ खाबाते बात परमेश्‍वर बात खित्‍कान्‍तेबेकी दोक सिन टिला दुक। चुक सासीन ‘इस्राएलीवे, ख्‍योकोनगी लो खाल ङिसाक ठाःकताङ बालुवा बाई छ्याःङ मेत्‍से नाङला देत्‍जीन पूजा खिन ओतान। च्‍यि थे पूजा ख्‍योकोनगी ङाला सिन खाबा ओतानरो?

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

फिलिप्‍पी 3:15

थोगी येशू ख्रीष्‍टला विश्‍वास खिन पाको गालातेबा ङुरूङ गाङेराङ ङे थाल्‍लासाक साबाते बातला डिक्‍पा फाप्‍क्‍यो। ईन्‍दाका दि बातओन नाङ कोई बात ख्‍योकोनला दोकराङ ईनरो सिराच्‍योक लाङगीतासीन। कोई बात ख्‍योकोनला थोक लासीन थे बात ङे साबा च्‍योकराङ ईन सिन परमेश्‍वरगी ख्‍योकोनला छ्या स्‍ये ज्‍युत्‍क्‍यो।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

हिब्रू 10:16

“था ङे मिओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेजीन थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। दि बात ङा प्रभु परमेश्‍वर सिन ओत,” सिन साला दुक।

१ यूहन्‍ना 2:27

ख्रीष्‍टकी ख्‍योकोनला बिन्‍दाते परमेश्‍वर आत्‍मा ख्‍योकोनताङ ओत्‍नामेकी सुङगीङ ख्‍योकोनला लोपा माफाबो। खेराङगी छ्या स्‍येबा फाप्‍च्‍येते बात गाङे ख्‍योकोनला थेकीराङ लाप्‍ला तेरग्‍यो। थेकी साँचोते बातकामा लोप्‍क्‍यो। थेकी खेराङला लापा च्‍योकराङ खाला येशू ख्रीष्‍टताङ डिक्‍ला देत।