यूहन्‍ना 6:39 - जिरेल

³⁹ ङाला दुरू तोङकान्‍तेकी खिता चालाते कामचेन थे खोरोङगी ङे लाःक्‍तु जिम्‍मा बिन्‍दाते जति सुङलाङ ङाराङ छ्य्‌वापेई ठाल मुज्‍युत्‍च्‍येते थेमे न्‍याय खिते छोमु थेबाला सोम्‍बो लोक्‍च्‍येते ईन।

यूहन्‍ना 6:39 ပူးပေါင်းရင်းမြစ်များ

मत्ती 10:15

ङा ख्‍योकोनला च्‍यि सिते सासीन थाङबो सदोमताङ गमोरा सारगी मिओनगी आउदी मेलेबा मेलेबा काम खाबा ओत्‍सीनोङ था तिरी परमेश्‍वरगी न्‍याय खिते छोमु थेबाला भन्‍दाङ छ्येज्‍यीक सजायनी होथोक्‍ते ठाउँकी मिओनलाका तेरग्‍यो।

मत्ती 18:14

स्‍वर्गने देत्‍कान्‍ते आबा परमेश्‍वरगीङ ङाला विश्‍वास खित्‍कान्‍ते उदि फिजा च्‍योक्‍तेबा सुङ थे खोरोङताङ ठाल्‍ला नरककुण्‍डमा स्‍यूक्‍पा माफाप्‍स्‍यीत सिन होथे लुई गोठालेकी खिता च्‍योकराङ खिओ।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 17:6

दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

यूहन्‍ना 17:9

थाल्‍लाचेन ङा दि सा लुङबे मि गाङे लाईदु मेन तर आबा खुई ङे लाःक्‍तु जिम्‍मा बिन्‍दाते मिओन लाईदु प्रार्थना खिओ। दिबाबरीचेन खुईतेराङ ईन।

यूहन्‍ना 18:9

थेकी थोक सानामेई थेकी गोमाका पालोई “आबा, खुई ङे लाःक्‍तु जिम्‍मा बिन्‍दाते जति सुङलाङ ङे ङाराङ छ्य्‌वापेई ठाल माच्‍युत,” साबाते बात साबा च्‍योकराङ ओङसुङ।

यूहन्‍ना 5:28

दि बात थोला ख्‍योकोन छक्‍क परे माकेत। च्‍यि सासीन था समयज्‍यीक ओङगीन ओत। थेजीन स्‍यिइन सिन्‍दाते मि गाङेकी परमेश्‍वर फुज्‍युङ ङोरो थोक्‍यो।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:44

ङाला दुरू तोङकान्‍ते आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो। ङे छ्य्‌वापा लै खित्‍कान्‍ते मिलाचेन ङा न्‍याय खिते छोमु सोम्‍बो लोइओ।

यूहन्‍ना 6:54

ङे स्‍या साकान्‍तेताङ ङे ठाक थुङकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थेमे थोक्‍ते मिला ङा न्‍याय खिते छोमु सोम्‍बो लोइओ।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ कोरिन्‍थी 6:14

परमेश्‍वरगी थे खोरोङ शक्तिकी प्रभु येशूला स्‍यिसादुकी सोम्‍बो लोक्‍सुङ। था थेकी थे खोरोङ होथे शक्तिकी ङुरूङलाङ सोम्‍बो लोइओ।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

याकूब 5:15

थे मि ठाइओतराङ सिन थेला विश्‍वास खाईन प्रार्थना खानामेई प्रभु परमेश्‍वरगी थे मिला ठाक ज्‍युत्‍क्‍यो। थे मिकी खइँदा पापराङ खाबा ओत्‍सीनोङ थेकी थेला माफ तेरग्‍यो।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।