यूहन्‍ना 6:30 - जिरेल

³⁰ थेमे थेबेकी “ङ्योकोन खोल्‍ला चुक खाला विश्‍वास खित्‍च्‍ये? खोल्‍ला परमेश्‍वरगी ताङाते ईन सिन तेन्‍दाला था खो ङ्योकोनला च्‍यि अचम्‍बते काम खाला तेन्‍गीते?

यूहन्‍ना 6:30 ပူးပေါင်းရင်းမြစ်များ

मर्कूस 15:32

दिकी थे खोरोङला परमेश्‍वरगी तोङगो साबाते ख्रीष्‍ट ईनलो। लो दि पक्‍काराङ इस्राएलीओन गेल्‍बोराङ ईन्‍सीन था दि स्‍यिङगी थामदुकी सानामा फाप्‍ला थे खोरोङला सोन्‍दा खित्‍स्‍यीत। थोक खासीन ङुरूङ दिला थेराङ ईन्‍दा दुका सिन पत्ते खिताप,” सिन खिस्‍यी खितासम्‍म खासुङ। थेत्ताङ ङ्योम्‍बुराङ टाँए खाबाते डाँका ङिबोकीङ येशूला खाला थेन्‍दा जति मनपरी सासुङ।

मर्कूस 8:11

थेमे कोई कोई फरिसी पाटी मि येशू ओत्‍सादु ख्‍योल्‍गीन थेला बात ठाप्‍ला स्‍यूसुङ। थेबेकी थेला “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन थे सेम ता चाल्‍सुङ।

यूहन्‍ना 10:38

तर ङेङ आबेकी खित्‍च्‍येते च्‍योक्‍ते काम खित्‍जीनोङ ङा थेराङ दुका सिन ख्‍योकोन पत्ते मिक्‍किओ सासीन ङे खाबाते कामतेबा ताला आबाताङ ङा दोक्‍पोईराङ दुका सिन छ्या स्‍येबा खि,” सिन सिदुक।

यूहन्‍ना 12:37

येशूकी खोपरोङ मिगी दोनगी नाङलाराङ अचम्‍बते काम काल्‍बेई खाबा ईन्‍सीनोङ यहूदीओनगी थेला विश्‍वास माक्‍यासुङ।

यूहन्‍ना 2:18

येशूकी थोक खानामेई यहूदीओनते छ्ये छ्ये मिकी वाकीन “खुईते दुरू दोक खित्‍च्‍येते खइँदा अधिकार ओत्‍सीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

यूहन्‍ना 4:8

चेलातेबाचेन साच्‍येते ङ्य्‌वाप्‍ला सारनापा गाला ओतान।

यूहन्‍ना 6:14

येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 6:2

थे थेपा ड्वा थोङगीन मि काल्‍बेई थे तिङ ङ्याकीन गाल्‍सुङ। च्‍यिला सासीन थेबेकी येशूकी नाबाते मिओनला ठाक्‍पा खाबाते अचम्‍ब अचम्‍बतेन्‍दे काम थोङा ओतान।

यूहन्‍ना 6:36

ङे गोमामेई सिन वाबा च्‍योकराङ खेराङ मिगीराङ थोङसीनोङ ख्‍योकोनगी ङाला विश्‍वास मिक्‍किदुक।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

१ कोरिन्‍थी 1:22

यहूदीओन लो दि बात सत्‍यते ईन्‍सीन खइँदा अचम्‍बते काम खाला तेन खिदुक। थोकराङ खाला ग्रीकओनचेन बुद्धि बातकामा ङेन्‍दा छोल्‍गीदुक।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।