यूहन्ना 6:27 - जिरेल27 खालि साच्या थुङच्ये विचारकामा माकेत। दिनी दि जुनी लाईदुकामा ईन। बरू ख्योकोनगी चुक खाला नोमुङ मिसिन्च्येते जुनी ङेत्च्येते साप ङेदोङा सिरच्येते विचार खि। ख्योकोनला थे साप तेरकान्तेचेन परमेश्वर ओत्सादुई वाबाते मि ङाराङ ईन। आबा परमेश्वरगीराङ ङाला थोक खित्च्येते अधिकार बिन्दा ओत,” सिन सिदुक। အခန်းကိုကြည့်ပါ။ |
यूहन्ना 6:27
69 ပူးပေါင်းရင်းမြစ်များ
इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्दुराङ छ्ये छ्येताङ अचम्बतेन्दे काम खाईन तेन्दा ओतान। थेचेन थे खोरोङगी छाने खाईन ताङाते मि दुका सिन ख्योकोनगी छ्या स्येस्यीत सिनराङ परमेश्वरगी थेला छ्येज्यीक शक्ति बिन्गीन थोक अचम्बते काम खित च्युता ओतान। येशूकी च्यि च्यि खाबा ओताने, चुक चुक खाबा ओताने सिन ख्योकोनगीङ खेराङ मिगीराङ थोङा ओतान।
थे चिनुनी अब्राहामगी तिरीकामा जोबा ओतान। थेकी परमेश्वरला विश्वास खाबेकी परमेश्वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्यापा च्योकराङ ओङसुङ। बात दोक ईन्देकी अब्राहामचेन खतकी चिनु माजोबाते तर खोपरोङगी खाबाते पाप परमेश्वरगी माफ खिओ सिन थेला विश्वास खित्कान्ते ज्येन ज्येन जातकी मितेङ ज्युज्यु ओङसुङ। थोगी थे खोरोङला विश्वास खित्कान्ते ज्येन ज्येन जातकी मिलाङ परमेश्वरगी अब्राहामला च्योकराङ खाला दोषी मेन सिओ।
ख्योकोनगी “मिला साप थुङा गोक्यो, साप थुङा मेताला मि चुक खाला सोन्गीते?” सिरा ठीकराङ ईन। तर ङीमाई परमेश्वरगी मि जीउ साप थुङा मोगोच्या खुदुक जोइओ। बात च्यि सासीन परमेश्वरगी ङुरूङला दि जीउ बिन्दाते रन्डीबाजी थेमे होदि च्योक्ते खिता मेङच्येते काम खिताला मेन, प्रभु येशूला मन परे खित्च्येते काम खिताला ईन। ङुरूङला गोच्येते तेरकान्ते प्रभु येशूराङ ईन।
थोगी ङ्योकोनचेन थरिङोला ओङगीन ओताते होदोक्ते बातला मेन, था तिरी ओङच्येते होथोक्ते लेमुते बातकी विचारकामा खाला देत्क्यो। च्यिला सासीन थरिङोला ओङगीन ओताते मिकी थोङा थुप्च्येते होदोक्ते पीरताङ दुक्पा ङीमाई गाङे सिन्ला तोरला डुइओ। तर थोरूमसाक सुङगीङ थोङा मेताते तिरी परमेश्वरगी तेरच्येतेचेन नोमुङ सिन्ला तोरला मोन्डोओ।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
ङीमा स्यारगीन रापकी छिक्च्या गाल्नामेई ङीमे रापकी होथे पाङगी सो थेमे चातेबा काम्ला मेन्दोकओन ङीम्ग्यो। रकस्यिक गोमा लेमु ओत्सीनोङ थोक ओङनामेई थेबा छ्याःङ लेमु मेदेदो। छ्युक्पुते मि बादोङ होदोकराङ ईन। थेकी जे काम खिन ओत्सीनोङ, थेत्ताङ जे ओत्सीनोङ ङीमाई थे दाक स्यिला थेते ओताते जति गाङे तोरला डुइओ।
चुक सासीन बाजिई ङ्योकोन प्रभु येशूताङ बोमज्यीक्तु ङ्योम्बुराङ ओते बेलाला आबा परमेश्वरगी थेला आउदी छ्येज्यीक मान बिन्देकी खित्सादु ङ्योकोनगी थेला मिगी ताराङ मुथुप्च्या झिलिमिली नाम्दाकला देता ओता थोङा ओतान। थेमे थेजीनराङ परमेश्वरगी स्वर्गनेकी “दि ङे फुज्युङ ईन। ङा दिला आउदी ङिङज्ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्वरगी थेला थोक छ्ये जोइन साबाते दि बात ङ्योकोनगी ङेराङ नामज्योककीराङ थोबाते ईन।
ကြော်ငြာတွေ