यूहन्‍ना 6:14 - जिरेल

¹⁴ येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 6:14 ပူးပေါင်းရင်းမြစ်များ

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

लूका 24:19

थेकी “च्‍यि बात साबे?” सिन ठिसुङ। थेमे थेबेकी “नासरतपे येशू बात च्‍यिन्‍दे। थेचेन परमेश्‍वर बात खित्‍कान्‍ते मि ओतान। परमेश्‍वर थेत्ताङ ङ्योम्‍बु ओतेकी थेकी मि गाङे दोन्‍दु आउदी अचम्‍बतेन्‍दे कामताङ बात खाबा ओतान।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

यूहन्‍ना 1:21

थेमे थे मिओनगी “थोक सासीन खो सु ईन्‍दे ओना? ना खो एलिया ईन्‍दे?” सिन ठिसुङ। थोक सिरजीन थेकी “अहँ, मेन,” सिन सिदुक। लोईन थेबेकी “थोक ईन्‍सीन ना खो दुरू ओङगो साबाते परमेश्‍वर बात खित्‍कान्‍ते ईन्‍दे ओना?” सिन ठिसुङ। थोक सिरजीनोङ थेकीचेन “मेन मेन, ङा थेङ मेन,” सिन सासुङ।

यूहन्‍ना 11:27

थेमे थेकी “ईन प्रभु, खो परमेश्‍वरगी दि सा लुङबादु तोङगो साबाते ख्रीष्‍ट ईन, खो परमेश्‍वर फुज्‍युङ ईन सिन ङा विश्‍वास खिओ,” सिन सिदुक।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 4:19

थेमे थेकी “हजूर, खोनी पक्‍काराङ परमेश्‍वर बात खित्‍कान्‍ते मि दुका।

यूहन्‍ना 4:25

थेमे थे फेम्‍मे मिकी “ङाला दि बात छ्या ओत। च्‍यि सासीन था ख्रीष्‍ट सिराते मसीह ओङगो। थे वानामेई थेकीराङ ङ्योकोनला दि गाङे बात लोप्‍क्‍यो,” सिन सिदुक।

यूहन्‍ना 4:42

थेमे थेबेकी थे फेम्‍मे मिला “थानी खुई साबाते बात थोबेकी खित्‍सादु मेन, येशूकी साबाते बाततेबा ङेराङगीराङ थोबेकी ङ्योकोन थेला विश्‍वास खिताला स्‍यूबाते ईन। थेमे दि सा लुङबे मिओनला पापदुकी डेल्‍कान्‍तेचेन थेराङ ईन सिन ङ्योकोनगी छ्या स्‍येसुङ,” सिन सासुङ।

यूहन्‍ना 6:2

थे थेपा ड्वा थोङगीन मि काल्‍बेई थे तिङ ङ्याकीन गाल्‍सुङ। च्‍यिला सासीन थेबेकी येशूकी नाबाते मिओनला ठाक्‍पा खाबाते अचम्‍ब अचम्‍बतेन्‍दे काम थोङा ओतान।

यूहन्‍ना 6:26

थोक सिरजीन थेकी “ङा ख्‍योकोनला दि बात सिओ। ख्‍योकोनगी ङाला चालातेचेन ङे खाबाते अचम्‍बते कामतेबा थोङगीन मेन्‍देकी सुबा खाङ सा ङेतेकीकामा ईन।

यूहन्‍ना 6:30

थेमे थेबेकी “ङ्योकोन खोल्‍ला चुक खाला विश्‍वास खित्‍च्‍ये? खोल्‍ला परमेश्‍वरगी ताङाते ईन सिन तेन्‍दाला था खो ङ्योकोनला च्‍यि अचम्‍बते काम खाला तेन्‍गीते?

यूहन्‍ना 7:40

येशूकी थोक सानामेई मि कोईकी “दि मिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

शक्ति काम 7:37

थेमे थेकीराङ इस्राएलीओनला ‘था तिरी प्रभु परमेश्‍वरगी ङा च्‍योकराङ परमेश्‍वर बात खित्‍कान्‍ते मिज्‍यीक तोङगो। थेलाचेन ख्‍योकोन नाङदुईराङ छाने खिओ,’ सिन साबा ओतान।