यूहन्‍ना 5:42 - जिरेल

⁴² ख्‍योकोन चुक्‍ते मि ईन्‍दे सिन ङाला लेमु खाला छ्या ओत। ख्‍योकोन परमेश्‍वरला ङिङज्‍ये खित्‍कान्‍ते मि मेन।

यूहन्‍ना 5:42 ပူးပေါင်းရင်းမြစ်များ

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

यूहन्‍ना 2:25

सु मि चुक्‍ते ईन्‍दे सिन थेला सुङगीङ लाःपा फाप्‍च्‍या मेतान। च्‍यिला सासीन मि सेम चुक ओङगीते सिन गाङे थेला लेमु खाला छ्या ओतान।

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

यूहन्‍ना 5:41

ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 5:43

आबेकी ताङेकी ङा दुरू वाबाते ईन। ईन्‍सीनोङ ख्‍योकोन ङाला छ्याःङ वास्‍ता मिक्‍किदुक। सुइँदा खोपरोङ खुशीकी ङा ङाराङ ईन सिन वासीनचेन ख्‍योकोन थेला आउदी खाला मान खिदुक।

यूहन्‍ना 5:44

ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

यूहन्‍ना 8:47

परमेश्‍वरताङ डिक्‍कान्‍ते मिकीचेन थेकी साबाते बात ङेन्‍ग्‍यो। ख्‍योकोन थेत्ताङ डिक्‍कान्‍ते मि मेन्‍देकीराङ ख्‍योकोनगी थे बात ङेनराङ मेङेन्‍दुक,” सिन सिदुक।

यूहन्‍ना 8:55

थे सु ईन्‍दे, चुक्‍ते ईन्‍दे सिन ख्‍योकोनला छ्याःङ छ्या मेत्‍सीनोङ ङालानी लेमु खाला छ्या ओत। ङे थे सु ईन्‍दे, चुक्‍ते ईन्‍दे सिन छ्या मेत साबा ईन्‍सीन ङाङ ख्‍योकोन च्‍योकराङ ढाँर खित्‍कान्‍ते ओङच्‍या ओतान। थे सु ईन्‍दे, चुक्‍ते ईन्‍दे सिन ङालानी लेमु खाला छ्या ओत। थेमे ङा थेकी साबाते बात ङेन्‍ग्‍यो।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

१ यूहन्‍ना 2:15

ख्‍योकोन सुङगीङ परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक माकेत, दि सा लुङबे सम्‍पत्तिताङ होदोक्‍ते छ्याःङ कुरोतेङ लोभ माकेत। परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक खित्‍कान्‍ते मिकीचेन आबा परमेश्‍वरला ङिङज्‍ये खिता मुथुबो।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।