यूहन्‍ना 5:41 - जिरेल

⁴¹ ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 5:41 ပူးပေါင်းရင်းမြစ်များ

यूहन्‍ना 12:43

थेबालानी परमेश्‍वरगी भन्‍दाङ मिओनगी मान खाबातेका मन परे खिन ओतान।

यूहन्‍ना 5:34

ङे ङा सु ईन्‍दे, चुक्‍ते ईन्‍दे सिन सिरकान्‍ते सुइँदा मि ओङाराङ फाप्‍क्‍यो सिन साबाते मेन। बरू ख्‍योकोनगी पापकी सजाय मेङेत्‍स्‍यीत सिन दि बाततेबा साबाते ईन।

यूहन्‍ना 5:40

थोक ईन्‍सीनोङ ख्‍योकोन ङे छ्य्‌वापा लै खित्‍च्‍येते सेम मिक्‍किदुक। ङे छ्य्‌वापा लै खाबा ईन्‍सीन ख्‍योकोनगी नोमुङ मिसिन्‍च्‍येते जुनी ङेत्‍च्‍या ओतान।

यूहन्‍ना 5:42

ख्‍योकोन चुक्‍ते मि ईन्‍दे सिन ङाला लेमु खाला छ्या ओत। ख्‍योकोन परमेश्‍वरला ङिङज्‍ये खित्‍कान्‍ते मि मेन।

यूहन्‍ना 5:44

ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

यूहन्‍ना 6:15

था थे मिओनगी वाला थे खोरोङला जबरजस्‍ती थेबे गेल्‍बो जोइओ सिन येशूकी छ्या स्‍येसुङ। थोक ईन्‍देकी थे दाक थेरूकी थे खोरोङकामा बोमने गाल्‍सुङ।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

यूहन्‍ना 8:50

ज्‍येनगी ङाराङला मान खित्‍स्‍यीत सिराच्‍योक खाला ङा छ्याःङ कामोङ मिक्‍किओ। मिओनगी ङाला मान खिता फाप्‍क्‍यो सिरकान्‍ते दोक्‍पोई ओत। सु मि चुक्‍ते ईन्‍दे सिन सिरकान्‍ते थेराङ ईन।

यूहन्‍ना 8:54

थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

१ थिस्‍सलोनिकी 2:6

लोक्‍ला ङ्योकोनगीनी ज्‍येनगी ईन्‍स्‍यीत, ख्‍योकोनगी ईन्‍स्‍यीत सुङगीङ ङेराङला मान खित्‍स्‍यीत सिराच्‍योक माक्‍या।

१ पत्रुस 2:21

होदोक खाला दुक्‍पा भोगे खितालाराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्रीष्‍टकी ख्‍योकोन लाईदु थोई दुक्‍पा भोगे खासुङा सिन ख्‍योकोनला छ्याराङ ओत। थोक खाईन थेकी दुक्‍पा ओङजीन चुक खिता फाप्‍कीते सिन तेन्‍गीन बिन्‍दा ओतेकी ख्‍योकोनगीङ थेकी च्‍योकराङ खि।

२ पत्रुस 1:17

चुक सासीन बाजिई ङ्योकोन प्रभु येशूताङ बोमज्‍यीक्‍तु ङ्योम्‍बुराङ ओते बेलाला आबा परमेश्‍वरगी थेला आउदी छ्येज्‍यीक मान बिन्‍देकी खित्‍सादु ङ्योकोनगी थेला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थेमे थेजीनराङ परमेश्‍वरगी स्‍वर्गनेकी “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्‍वरगी थेला थोक छ्ये जोइन साबाते दि बात ङ्योकोनगी ङेराङ नामज्‍योककीराङ थोबाते ईन।