यूहन्ना 5:39 - जिरेल39 परमेश्वर बातला साबाच्योक खासीन नोमुङ मिसिन्च्येते जुनी ङेत्क्यो सिन ख्योकोन थे बाततेबा आउदी लेमु खाला पढे खिदुक। थे बातला ङा सु ईन्दे सिन लेमु खाईन टिबा ओत। အခန်းကိုကြည့်ပါ။ |
यूहन्ना 5:39
51 ပူးပေါင်းရင်းမြစ်များ
यरूशलेम मिओनताङ थेबे छ्ये छ्ये मिकी येशूला परमेश्वरगी ताङाते ईन सिरच्येते बात छ्या मास्येसुङ। थेमे परमेश्वर बात खित्कान्तेबेकी येशू विषयला टिबाते बाततेबा सन्चारी सन्चारीला पढे खासीनोङ थेबेकी थेङ छ्याःङ माखोसुङ। थेबेकीचेन येशूला सजाय तेरा फाप्क्यो साकीन थेला चुक ओङगीते सिन गोमाका परमेश्वर बात खित्कान्तेबेकी टिबाते बाततेबा साबा च्योकराङ ओङ च्युत्सुङ।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थोकराङ खाईन कोई कोई फेम्मे मिकी स्याप्ते मिओनला परमेश्वरगी सोम्बो लोइओ सिन थेला विश्वास खाबेकी थेकी थेबे मिओनला सोम्बो लोक्पा ओतान। लोक्ला कोई कोईला जेलला लुक्नामेई परमेश्वरला विश्वास खिता ताङसीन तेन्ला तोङगो सिरजीन थेबेकी ङ्योकोन थोक मिक्किओ सिन साबा ओतान। थोगी थेबाला बिजोग तेन्गीन तेन्गीन सेता ओतान। परमेश्वरगी था तिरी सोम्बो लोक्ला थे खोरोङताङराङ ज्य्वाक्यो सिन थेबेकी थेला विश्वास खाबा ओतेकीराङ थेबेकी थेला विश्वास खिता तोङराङ मोतोङो सिन साबा ओतान।
थेकी थोक सानामेई से खिताप सिन ङा थे दूतकी काम्बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्वरला च्योक खाला से माकेत। येशू सु ईन्दे, थेकी च्यि खिते सिन लोप्कान्ते खोत्ताङ खुई आज्यो न्वाओन च्योकराङ ङाङ परमेश्वर काम खित्कान्तेकामा ईन। थोगी परमेश्वरलाकामा छ्ये जो। येशू सु ईन्दे, थेकी च्यि खिते सिन लोप्च्येतेचेन परमेश्वर आत्मे छ्य्वापेई खित्च्येते ईन,” सिन सिदुक।
ကြော်ငြာတွေ