यूहन्‍ना 5:37 - जिरेल

³⁷ दोस्‍यिककामा मेन, ङाला दुरू तोङकान्‍ते आबेकीङ ङा सु ईन्‍दे सिन लेमु खाईन साबा ओत। ख्‍योकोनगी नोमुङ थे ङोरो थोबा मेत, थे दोकस्‍यिकराङ ओताक्‍वा सिन थोङाङ मेत।

यूहन्‍ना 5:37 ပူးပေါင်းရင်းမြစ်များ

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:11

थेमे स्‍वर्गनेईराङ “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 3:22

बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 14:9

थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 5:32

ङा सु ईन्‍दे, चुक्‍ते ईन्‍दे सिन सिरकान्‍ते ज्‍येनज्‍यीक ओत। थेकी साँचोते बातकामा खिओ सिनोङ ङाला लेमु खाला छ्या ओत।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

यूहन्‍ना 8:18

ङे ङाराङ सु ईन्‍दे सिन ख्‍योकोनला ईन्‍दाते बात साबाप। थेमे दि बात साँचो ईन सिन सिरकान्‍ते ज्‍येनज्‍यीगोङ ओत। थेचेन ङाला दुरू तोङकान्‍ते आबाराङ ईन,” सिन सिदुक।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ यूहन्‍ना 4:12

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

१ यूहन्‍ना 5:9

सुइँदा मिकी दि बात दोक दोक ईन सिन सानामेई ङुरूङ दाक पत्ते खिओ सासीन च्‍यि परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात ङुरूङगी पत्ते मिक्‍किच्‍या? मिकी साबाते बात भन्‍दा परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात झन पत्ते खिता थुप्‍च्‍येते मेनरो?