यूहन्‍ना 5:36 - जिरेल

³⁶ थेकी ङा सु ईन्‍दे, चुक्‍ते ईन्‍दे सिन ख्‍योकोनला साबा ओतान। ङा सु ईन्‍दे सिन थेकी साबाते भन्‍दाङ था ज्‍येन छ्येज्‍यीक बात ङात्ताङ ओत। थेचेन आबेकी ङाला खि साबाते थरिङोला ङे खिन ओताते कामओनराङ ईन। दि कामतेबा तालाङ ङाला आबेकीराङ ताङाते ईन सिन लेमु खाला छ्या स्‍येबा थुप्‍क्‍यो।

यूहन्‍ना 5:36 ပူးပေါင်းရင်းမြစ်များ

मत्ती 11:4

थेबेकी लेप्‍कीन थे बात ठिनामेई येशूकी “ख्‍योकोनगी ङे लोप्‍कीन ओताते बात थोकीन ओत थेमे ङे खिन ओताते काम खेराङ मिगीराङ थोङगीन ओत। थोगी गाल्‍ला खेराङगी थोङातेताङ थोबाते बातओन यूहन्‍नाला सि।

लूका 2:49

थेकी थेबाला “आबा आमाबा ख्‍योकोनगी ङाला च्‍यिला थोक दुक्‍पा खाईन गाङेपा चाले? ङा ङे आबा ओत्‍सादु देता फाप्‍क्‍यो सिन ख्‍योकोनगी छ्या स्‍येबा फाप्‍च्‍या ओतान,” सिन सिदुक।

यूहन्‍ना 10:25

थोक सिरजीन थेकी “दि बात ङे ख्‍योकोनला थोङलाका लाःपा ओत। ईन्‍सीनोङ ख्‍योकोन ङे बात पत्ते मिक्‍किदुक। ङेचेन आबेकी खि साबाते काम खाबा ओत। थे कामतेबा तालाराङ ख्‍योकोनगी ङा सु ईन्‍दाका सिन छ्या स्‍येबा थुप्‍क्‍यो।

यूहन्‍ना 11:37

थेबे नाङ लालेकीचेन “दिकी अन्‍धे मिकनी थोङा थुप्‍च्‍या जोबा ओतान सासीन च्‍यि लाजरसलाङ स्‍यिर मुज्‍युता खाला थार ज्‍युत्‍च्‍या मेतानरो?” सिन सासुङ।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

यूहन्‍ना 2:23

निस्‍तार चाडगी बेलाला यरूशलेमदु ओत्‍जीन येशूकी अचम्‍बतेन्‍दे काम खाबा थोङगीन परमेश्‍वरगी थेला शक्ति बिन्‍दा ओताक्‍वा सिन मि काल्‍बेईकी थेला विश्‍वास खासुङ।

यूहन्‍ना 3:17

च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 5:32

ङा सु ईन्‍दे, चुक्‍ते ईन्‍दे सिन सिरकान्‍ते ज्‍येनज्‍यीक ओत। थेकी साँचोते बातकामा खिओ सिनोङ ङाला लेमु खाला छ्या ओत।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

१ यूहन्‍ना 5:9

सुइँदा मिकी दि बात दोक दोक ईन सिन सानामेई ङुरूङ दाक पत्ते खिओ सासीन च्‍यि परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात ङुरूङगी पत्ते मिक्‍किच्‍या? मिकी साबाते बात भन्‍दा परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात झन पत्ते खिता थुप्‍च्‍येते मेनरो?