यूहन्‍ना 5:26 - जिरेल

²⁶ मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 5:26 ပူးပေါင်းရင်းမြစ်များ

यूहन्‍ना 1:4

मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 10:18

ङा ङाराङगीराङ स्‍या सेम माक्‍याबा ईन्‍सीन ङाला सुङगीङ सेता मुथुबो। ङाराङ खुशीकी ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते दि गाङे ङे लाःक्‍तुराङ ओत। ङाला थोक खि सिन आबेकीराङ कोता ओत,” सिन बात खासुङ।

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 11:26

ङाला विश्‍वास खाला नोमुङ मिसिन्‍च्‍येते जुनी ङेता ओताते मिला कालगी छ्याःङ खिता मुथुबो। च्‍यि खो दि बात पत्ते खिओ?” सिन सिदुक।

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

शक्ति काम 17:25

थेलानी मिओनगी चढे खाबातेङ छ्याःङ मोगोओ। मिओनला जुनी तेरकान्‍ते थेराङ ईन। मिओनला गोच्‍येते जेसुकै थेकीराङ तेरग्‍यो।

१ कोरिन्‍थी 15:45

परमेश्‍वर बातला चुक साला दुका सासीन “परमेश्‍वरगी गाङे भन्‍दा गोमा जोबाते मि आदमला नोउनामेई ङेपाक लुगीन बिन्‍सुङ। दोक खानामेई थे सोन्‍सुङ,” सिन टिला दुक। तिरी आदम सिन साबाते ख्रीष्‍टचेन नोमुङ मिसिन्‍च्‍येते जुनी तेरकान्‍ते आत्‍मा ईन।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

छ्या स्‍ये च्‍युताते बात 21:6

लोईन थेकी “जे ओङा फाप्‍च्‍या ओतान थे था गाङे ओङगीन सिन्‍सुङ। ङा अल्‍फा थेमे ओमेगा शुरूलाराङ ओताते थेमे तिरी तिरीसाकराङ देत्‍कान्‍ते ईन। कोम्‍बा खाला ओङकान्‍ते मिला ङा छ्याःङ मिलिन्‍दा खाला छ्यु थुङा तेरग्‍यो। दि मोनगी छ्यु थुङकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:17

थेमे परमेश्‍वर आत्‍माताङ लुई रीउ बेउलीकीचेन “लो स्‍योक, होत्ता स्‍योक,” सिन सिदुक। दि बात थोकान्‍ते मिबरी गाङेकी “लो होत्ता स्‍योक,” सिन सि। सुइँदाला कोम्‍बा लाबा ओत्‍सीन परमेश्‍वर दोन्‍दु स्‍योक। दोक खाला परमेश्‍वरगी तेरच्‍येते छ्यु थुङा सेम खाला थे दोन्‍दु ओङकान गाङेकी छ्याःङ मेज्‍येला खाला नोमुङ मिसिन्‍च्‍येते जुनी ङेत्‍च्‍येते छ्यु थुङा ङेत्‍क्‍यो।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।