यूहन्‍ना 4:48 - जिरेल

⁴⁸ थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

यूहन्‍ना 4:48 ပူးပေါင်းရင်းမြစ်များ

मत्ती 16:1

थेमे येशू सेम ताप्‍ला कोई कोई फरिसीताङ सदुकी पाटी मिओनगी थे ओत्‍सादु ख्‍योल्‍गीन “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 27:42

“दिला तोना, दिकी ज्‍येन ज्‍येनलानी सोन च्‍युत्‍सुङ। तर थे खोरोङला सोन्‍दा खिता थुपाते खोइ? लो दि पक्‍काराङ इस्राएलीओन गेल्‍बोराङ ईन्‍सीन था दि स्‍यिङगी थामदुकी सानामा फाप्‍ला थे खोरोङला सोन्‍दा खित्‍स्‍यीत। थोक खासीन ङुरूङ दिला थेराङ ईन्‍दा दुका सिन पत्ते खिताप।

मर्कूस 13:22

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

लूका 10:18

थोक सिरजीन थेकी “ईन ईन, ल्‍हन्‍डीक गेल्‍बो शैतान हारे खाबा ओत। ङा तेइनराङ ओतान। चिलाम खिता च्‍योकराङ खाईन थे स्‍वर्गनेकी ल्‍हुम्‍सुङ।

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

यूहन्‍ना 12:37

येशूकी खोपरोङ मिगी दोनगी नाङलाराङ अचम्‍बते काम काल्‍बेई खाबा ईन्‍सीनोङ यहूदीओनगी थेला विश्‍वास माक्‍यासुङ।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 2:18

येशूकी थोक खानामेई यहूदीओनते छ्ये छ्ये मिकी वाकीन “खुईते दुरू दोक खित्‍च्‍येते खइँदा अधिकार ओत्‍सीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

यूहन्‍ना 20:29

थेमे येशूकी “खुईनी ङाला थोङेकी खित्‍सादु ङा सोम्‍बो लोक्‍पाते दुका सिन पत्ते खासुङ। ङाला माथोङालाङ ङा सोम्‍बो लोक्‍पाते ईन सिन पत्ते खाला ङाला विश्‍वास खित्‍कान्‍ते मिओन भाग्‍यमानी ईन,” सिन सिदुक।

यूहन्‍ना 4:49

थे मिकीचेन “हजूर डुइना, ङे फुज्‍युङते ङेपाक ओत्‍केलाराङ डुइ, ओर्च्‍ये,” सिन सिदुक।

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 15:12

थेकी थोक सानामेकी थेरू मि गाङेराङ खाराक्‍पा देत्‍सुङ। थेमे पावलताङ बारनाबासकी ज्‍येन ज्‍येन जातकी मिला गा लाङच्‍येते बात लोप्‍जीन परमेश्‍वरगी खोपरोङ ङिबोला चुक छ्ये छ्येताङ अचम्‍बतेन्‍दे काम खित च्‍युत्‍सुङा सिन लाःप्‍जीन थेरू थेबाबरी गाङेकी लेमु खाईन ङेन्‍सुङ।

शक्ति काम 2:19

थे बेलाला ङा नामताङ पृथ्‍वीदु अचम्‍बतेन्‍दे काम खाला तेन्‍ग्‍यो। थोक ओङजीन मिओनगी ठाकराङ ठाक खिलाते, मे ज्‍वाला लाबाते थेमे थुतेकी मुन्‍दाक गालातेकामा थोङगो।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 2:43

थोक थोङजीन मि गाङेराङ आते खिन ओतान। थेमे येशू ख्रीष्‍टकी खटे खाबाते मिओनगी अचम्‍बते काम काल्‍बेई खिन ओतान।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 5:12

येशू ख्रीष्‍टकी खटे खाबाते मिओनगी मिओन नाङ छ्ये छ्येताङ अचम्‍बतेन्‍दे काम काल्‍बेई खिन ओतान। येशूला विश्‍वास खित्‍कान गाङेराङ डिक्‍ला परमेश्‍वर मन्‍दिरदु ओताते सोलोमन सिराते पिंढीदु जम्‍मा ओङगीन ओतान।

शक्ति काम 6:8

थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।

शक्ति काम 7:36

थेमे थेबाला मिश्रदुकी तेन्‍ला खुलाङजीन मोशेकी गोमा थे लुङबादु, थेरूई लाल समुन्‍द्रदु थेमे लो खाल ङिसाक ठाःकताङ बालुवा बाई छ्याःङ मेत्‍से नाङला देते बेलाला आउदी छ्ये छ्येताङ अचम्‍बतेन्‍दे काम काल्‍बेई खाबा ओतान।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

१ कोरिन्‍थी 1:22

यहूदीओन लो दि बात सत्‍यते ईन्‍सीन खइँदा अचम्‍बते काम खाला तेन खिदुक। थोकराङ खाला ग्रीकओनचेन बुद्धि बातकामा ङेन्‍दा छोल्‍गीदुक।

२ कोरिन्‍थी 12:12

ङे ख्‍योकोनताङ ओत्‍जीन जस्‍तो दुक्‍पा ओङजीनोङ नोमुङ ङाराङ काम खिता माताङ। थेमे ङे खाईन तेन्‍दाते छ्ये छ्येताङ अचम्‍बतेन्‍दे काम थोङगीन ङा येशू ख्रीष्‍टकी खटे खाबाते मि ईन सिन ख्‍योकोनगी छ्या स्‍येबा ओतान।

२ थिस्‍सलोनिकी 2:9

थे आउदी पाप खित्‍कान्‍ते मि दुरू वानामेई शैतानगी थेला छ्येज्‍यीक शक्ति तेरग्‍यो। थेमे थे मिकी छ्ये छ्येताङ अचम्‍बतेन्‍दे काम खाला तेन्‍ग्‍यो। थे काम थोङजीन मिओनला परमेश्‍वरगी खित च्‍युताते ईन्‍दासीन सिरा च्‍योकराङ लाङगो।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।