40 थोक खाईन येशू ओत्सादु लेप्कीन ङीमाई ङीमा ङि थेबाताङ देत सिन थेबेकी थेला बिन्ती खासुङ। थोगी थे ङीमा ङिसाक थेबाताङ देत्सुङ।
मार्थेते मरियम सिराज्यीक नुमु ओतान। प्रभु येशू खाम्बे नाङ स्यूनामेई मरियमचेन थे खादु देत्कीन थे बात ङेन्दाला स्यूसुङ।
“मेन हजूर, ङीमा काल्बेई मिन्दुक, नाम स्योबा खासुङ। थोगी थरिङ ङ्योकोनताङराङ देत्की,” सिन थेरूकी तोङाराङ माचाल्सुङ। थोगी थे थेबाताङराङ देत्सुङ।
थे थोक खाला डोजीन थेकी ल्हन्डीक तेन्गीन ठाक्पा खाबाते मिकीचेन थेला “ङाङ खोत्ताङराङ डुइओ,” सिन सिदुक।
थे फेम्मे मिकी “थेकी थरिङसाक ङे च्यि च्यि खाका सिन गाङे बात ङाला लाःप्सुङ,” सिन थे मोरोङला ओङाते बात साबेकी सामरी काल्बेईकी येशूला विश्वास खासुङ।
थोक खाला थेबाताङ देत्जीन थेकी लापाते बाततेबा थोकीन झन मि काल्बेईकी थेला विश्वास खासुङ।
दोक खाईन सामरिये अञ्चलदु ङीमा ङि देत्कीन येशू गालील अञ्चलपा गाल्सुङ।
थेमे थे फेम्मे मित्ताङ थे खाम्बादु देत्कान्ते गाङेकी बप्तिस्मा लासुङ। थोक खानामेई थे फेम्मे मिकी “ङे पक्काराङ प्रभु येशूला विश्वास खिताला स्यूबाते ईन सिन ख्योकोन पत्ते खिओ सासीन ङे खाम्बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।
थेरू थोक ओङनामेई थे सार खाङगी मि गाङेराङ आउदी गा खासुङ।
लो लेमु खाला ङेन। ख्योकोन सेमगी नाङ देताला ओङगो सिन ङा ख्योकोन दोन्दु वाला कातोङगो। ङे थोक खित्जीन थे सेमगी नाङ स्योक सिन सिरकान्ते मि सेमगी नाङ स्यूला ङा थेत्ताङराङ देत्क्यो। थेमे थेत्ताङ ङा ङ्योम्बुराङ भोज सेइओ।