यूहन्‍ना 4:38 - जिरेल

³⁸ च्‍यि सासीन ङे ख्‍योकोनला खेराङगी दुक्‍पा खाईन खाईन लै खाबाते बाली थोक्‍पा रूक्‍पाला मेन्‍देकी सुइँदा ज्‍येनगी दुक्‍पा खाईन लै खाबाते बाली थोक्‍पा रूक्‍पाला ताङाप। ख्‍योकोनचेन खेराङगी मेन्‍गीन ज्‍येनगी दुक्‍पा खाईन खाईन लै खाबाते बाली थोक्‍सा रूक्‍साला स्‍यूबाते ईन,” सिन सिदुक।

यूहन्‍ना 4:38 ပူးပေါင်းရင်းမြစ်များ

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

यूहन्‍ना 1:7

वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 17:18

खुई ङाला दुरू ताङा च्‍योकराङ खाईन ङेङ दिबाला दि सा लुङबे मि नाङराङ ताङा ओत।

यूहन्‍ना 4:37

‘दोक्‍पोईकी बाली लै खिओ थेमे ज्‍येनज्‍यीगी त्‍वाला रूला थन्‍के खिओ,’ सिन वाबाते बात ईन्‍दातेराङ ईन।

यूहन्‍ना 4:39

थे फेम्‍मे मिकी “थेकी थरिङसाक ङे च्‍यि च्‍यि खाका सिन गाङे बात ङाला लाःप्‍सुङ,” सिन थे मोरोङला ओङाते बात साबेकी सामरी काल्‍बेईकी येशूला विश्‍वास खासुङ।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 4:32

येशूला विश्‍वास खित्‍कान गाङेराङ आउदी लेमु खाला डिक्‍ला थुन्‍ला देत्‍कीन ओतान। थेबा खोपरोङताङ जेराङ ओत्‍सीनोङ सुङगीङ दि ङेतेताङ थे खुईते सिराच्‍योक मिक्‍किता खाला गोला सेइन ओतान।

शक्ति काम 4:4

थेबाला थोक खासीनोङ थेबा ङिबोकी खाबाते बात थोकान्‍ते काल्‍बा च्‍योक मिकी थेबे बात ङेन्‍गीन येशूला विश्‍वास खिताला स्‍यूसुङ। थे छोमुसाकला येशूला विश्‍वास खित्‍कान्‍ते मि हजार ङाजो ख्‍योल्‍गीन सिन्‍दा ओतान।

शक्ति काम 5:14

खोले खोले होथेबे नाङदुईराङ ख्‍योओ मि, फेम्‍मे मि काल्‍बेईकी प्रभु येशूला विश्‍वास खिताला स्‍यूसुङ। थेमे थेबाङ येशूला विश्‍वास खित्‍कान्‍ते मिओनताङराङ डिगीन ख्‍याम्‍बाला स्‍यूसुङ।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

२ कोरिन्‍थी 10:15

लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।