यूहन्‍ना 4:31 - जिरेल

³¹ थे मिओन येशू ओत्‍सापाला ओङगीनराङ ओतान। थेजीनराङ चेलातेबेकी येशूला “गुरू, टिक्‍पीस्‍यिक खइँदा साप सोना,” सिन सासुङ।

यूहन्‍ना 4:31 ပူးပေါင်းရင်းမြစ်များ

मत्ती 23:7

थेमे मि छ्वासा रूसाला युक्‍जीन मिओनगी खोपरोङला मान खिन नमस्‍ते सिरजीन थेबा आउदी गा खिदुक। मिओनगी खोपरोङला गुरू सिरजीन थेबा झन गा खिदुक।

मत्ती 23:8

ङा ख्‍योकोनला च्‍यि सिते सासीन थेबेकी च्‍योक खाला ख्‍योकोनगीचेन सुङलाङ खेराङला गुरू साला मान खित माज्‍युत। च्‍यिला सासीन ख्‍योकोन गाङेते गुरू दोक्‍पोईकामा ओत। ख्‍योकोनबरीचेन सुङ छ्ये टेक्‍टे मेन, गाङेराङ आज्‍यो न्‍वा ईन।

मत्ती 26:25

थोक सानामेई थेला धोका तेरकान्‍ते यहूदा इस्‍करियोतकीङ “गुरू, खोल्‍ला थोक खित्‍कान्‍ते ना ङा ईन्‍दे,” सिन ठिजीन थेकी “खुई खोरोङगीराङ ईन सिन लाःप्‍सुङ,” सिन सिदुक।

मत्ती 26:49

थोगी थेकी ज्‍येनतोक बात छ्याःङ मिक्‍किता खाईन येशू खादु गाल्‍गीन “नमस्‍ते गुरू,” सिनकामा थेला पुक खासुङ।

मर्कूस 11:21

थे दोङबो स्‍या थोङजीन येशूकी थोङगी छोमु सराप बिन्‍दाते ठेम्‍बा लाकीन पत्रुसकी “लो तो गुरू, खुई सराप बिन्‍दाते दोङबोनी स्‍यिदुक,” सिन सिदुक।

मर्कूस 14:45

थोगी थेकी ज्‍येनतोक बात छ्याःङ मिक्‍किता खाईन येशू खादु गाल्‍गीन “नमस्‍ते गुरू,” सिनकामा थेला पुक खासुङ।

मर्कूस 9:5

थोक थोङजीन पत्रुसकी “ओहो गुरू, ङुरूङला दुरूराङ देता लेमु दुका। ङ्योकोन गुरू खोल्‍ला, मोशाला थेमे एलियाला देते लाईदु पली रेरे ज्‍वामीन,” सिन सिदुक।

यूहन्‍ना 1:38

ल्‍हाकनापा ग्‍युरला ताजीन येशूकी थेबा ङिबो तिङ ङ्योगीन वाबा थोङगीन “ख्‍योकोनगी च्‍यि चाले?” सिन ठिसुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 11:8

थेमे थेबेकी “आबिई गुरू, खरचिङ भर्खरकामा यहूदीओनगी खोल्‍ला दोई ग्‍याप्‍ला सेता चाला ओतान। थोक ईन्‍सीनोङ च्‍यि खो थेपाराङ ग्‍युरला डोच्‍या?” सिन सासुङ।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 3:26

थोगी थे चेलातेबेकी यूहन्‍ना ओत्‍सादु गाल्‍गीन “गुरू, यर्दन चाङबो फारकेनपा ओत्‍जीन खुई बात खाबाते मि खोल्‍ला ठेम्‍बा लाङगीकाना मालाङका? थे छ्येते मि ईन सिन खुई बात खाबा ओतान। थानी बप्‍तिस्‍मा नाङ सिन गाङेराङ थे ओत्‍सादुका डोच्‍याक्‍वा। थेमे थेकीङ बप्‍तिस्‍मा तेरच्‍याक्‍वा,” सिन सिदुक।

यूहन्‍ना 4:30

थेकी थोक सिरा थोबाईताङ सारगी मि गाङेराङ येशू ओत्‍सापा लिच्‍युङ।

यूहन्‍ना 4:32

तर थेकी “ङेते साप ज्‍येनज्‍यीकराङ ओत। थे च्‍यि ईन्‍दे सिन ख्‍योकोनला छ्याःङ छ्याराङ मेत,” सिन सिदुक।

यूहन्‍ना 6:25

फारकेनपा लेप्‍कीन येशूला ठेत्‍नामेकी थेबेकी “गुरू, खो दुरू नाम वाबे?” सिन ठिसुङ।

यूहन्‍ना 9:2

थेमे चेलातेबेकी येशूला “गुरू, दि दोक अन्‍ध गाल्‍गीन क्‍या फापाते सुई पापकी खित्‍सादु ईन्‍ताका? दि खोरोङ पापकी खित्‍सादु ईन्‍ताकाना आबा आमे पापकी खित्‍सादु ईन्‍ताका?” सिन ठिसुङ।