यूहन्‍ना 3:36 - जिरेल

³⁶ परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 3:36 ပူးပေါင်းရင်းမြစ်များ

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

लूका 2:30

च्‍यिला सासीन पापताङ दुक्‍पादुकी डेल्‍कान्‍तेला थरिङ ङे ङाराङ मिगीराङ थोङा ङेत्‍सुङ।

लूका 3:6

थेमे परमेश्‍वरगी पापताङ दुक्‍पादुकी चुक खाला डेल्‍च्‍या ईन्‍दाका सिन सा लुङबा खाङगी मि गाङेकी छ्या स्‍येक्‍यो,’ सिन सिओ,” सिन टिबा ओतान।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 10:28

ङा थेबाला नोमुङ मिसिन्‍च्‍येते जुनी तेरग्‍यो। थोगी थेबा नरककुण्‍डमा स्‍यूक्‍पा माफाबो। थेमे ङे लाःक्‍तुकी सुङगीङ थेबाला ठ्वाला खेरा मुथुबो।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 4:36

बाली थोक्‍कान रूक्‍कान्‍ते मिकी थाल्‍लेई थाल्‍ला थे बनी ङेत्‍च्‍या दुक। च्‍यि सासीन बाली थोक्‍पा रूक्‍पाच्‍योक खाला थे मिकी थाल्‍लेई थाल्‍ला ज्‍येनला नोमुङ मिसिन्‍च्‍येते जुनी ङेत्‍च्‍येते लाम तेन्‍ला तेरा थुप्‍च्‍या दुक। दोक खाला बाली लै खित्‍कान्‍तेङ बाली थोक्‍कान रूक्‍कान्‍तेङ ङिकाराङ गा खिता ङेत्‍क्‍यो।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:58

स्‍वर्गनेकी देमा वाबाते सापकी बातचेन होदिराङ ईन। स्‍वर्गनेकी वाबाते सापचेन ख्‍योकोन ज्‍युज्‍यु पुर्खेकी सोबाते साप च्‍योक्‍ते मेन। थेबानी थे साप सोसीनोङ तिरी दाक स्‍यिसुङ। ङे थाल्‍ला साबाते साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 5:9

ख्रीष्‍ट थोक खाला ङुरूङ लाईदु ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी ङुरूङला दोषी मेन साबा ओत। दोक ईन्‍देकी था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकीङ ख्रीष्‍टकीराङ ङुरूङला टाल्‍ला तेरग्‍यो।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ थिस्‍सलोनिकी 5:9

परमेश्‍वरगी ङुरूङला छाने खाबाते स्‍येदाङगी चूर गाल्‍ला सजाय तेराला मेन, ङुरूङ प्रभु येशू ख्रीष्‍टकी खाबाते कामगी खित्‍सादु पूरो खाला पापदुकी टाल्‍ला स्‍वर्गने देत ज्‍युताप सिन ईन।

हिब्रू 10:29

होथोक्‍ते मिकीनी थोक ज्‍यीबा लाङच्‍याई सजाय ङेत्‍क्‍यो सासीन परमेश्‍वर फुज्‍युङला काम्‍बे पुज्‍या छेदोङ गने मिक्‍किकान्‍ते, दाक्‍पोन सेम खुदुक जोच्‍येते जमान पूरो खित्‍कान्‍ते परमेश्‍वर फुज्‍युङ ठाकला छ्याःङ काम लै मिक्‍किच्‍येते च्‍योक ठाने खित्‍कान्‍ते थेमे मिओनला दया खित्‍कान्‍ते परमेश्‍वर आत्‍मे विरोध खित्‍कान्‍ते मिकी झन चुक ज्‍यीबा लाङच्‍याई सजाय ङेदोङा सिन ख्‍योकोन खेराङराङ विचार खि।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 3:18

थेमे परमेश्‍वरगी “ङा ख्‍योकोनला ढुक्‍क खाला देता ङेत्‍च्‍येते ङे खेरग्‍यो साबाते लुङबादु खेरराङ मेखेरो,” सिन ना क्‍यालाते च्‍यि थे खोरोङगी लाःपाते मेङेन्‍कान्‍ते होथे मिओनलाराङ मेनरो?

हिब्रू 3:19

परमेश्‍वर बातला नामज्‍योक मासेतेकी थेमे परमेश्‍वरगी खोपरोङला तेरग्‍यो साबाते लुङबा ङेत्‍क्‍यो सिन पत्ते माक्‍याबेकीराङ थेबा थे लुङबादु स्‍यूक्‍पा ङेता मेतान सिन ङुरूङगी लेमु खाला छ्या स्‍येबा थुप्‍कीदुक।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।