यूहन्‍ना 3:31 - जिरेल

³¹ स्‍वर्गनेई ओङकान्‍ते गाङे भन्‍दा छ्येते ईन। दुरू केबातेचेन दुरूतेराङ ईन, थेकी दुरू बातराङ खिओ। स्‍वर्गनेई ओङकान्‍ते गाङे भन्‍दा छ्येते ईन।

यूहन्‍ना 3:31 ပူးပေါင်းရင်းမြစ်များ

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 1:15

यूहन्‍नेकी परमेश्‍वर फुज्‍युङ सु ईन्‍दे सिन मिओनला लाप्‍कीन बिन्‍सुङ। थेकी मि गाङे दोन्‍दु थेला छ्या स्‍येबा खाला तेरगीन “ङे ख्‍योकोनला गोमामेई ‘था ङे तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ सिन साबाते मिचेन दिराङ ईन,” सिन बात खासुङ।

यूहन्‍ना 1:27

थे ङा भन्‍दा तिरी वाबाते ईन्‍सीनोङ ङानी थेते योक्‍पो ओङला थे काचाप टोल्‍ला तेरालाङ सोई मिक्‍किओ,” सिन सिदुक।

यूहन्‍ना 1:30

ङे ख्‍योकोनला गोमामेई ‘ङा भन्‍दा तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ साबा ओतानना, थेचेन उथेराङ ईन।

यूहन्‍ना 3:30

ङाला मेन, ङे साटोला मिओनगी थेला मान खाला थे झन झन छ्ये डुइन ड्वा फाप्‍क्‍यो।

यूहन्‍ना 6:33

परमेश्‍वरगी तेरच्‍येते सापचेन स्‍वर्गनेकी दुरू वाबाते मिराङ ईन। थेकीराङ दि सा लुङबे मिओनला नोमुङ मिसिन्‍च्‍येते जुनी तेरग्‍यो,” सिन सिदुक।

यूहन्‍ना 6:51

स्‍वर्गनेकी वाबाते नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। दि साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। दि सापचेन ङे जीउराङ ईन। दि सा लुङबे मिओनगी नोमुङ मिसिन्‍च्‍येते जुनी ङेत्‍स्‍यीत सिन ङा ङाराङ ज्‍यान बिन्‍ला स्‍यिइओ” सिन सिदुक।

यूहन्‍ना 8:23

थोरूमोङ बात खिन येशूकी “ख्‍योकोन दि सा लुङबादु ठुङाते ईन, ङाचेन स्‍वर्गनेकी वाबाते ईन। ख्‍योकोन दि सा लुङबे मि ईन, ङा दि सा लुङबे मि मेन।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

हिब्रू 9:1

परमेश्‍वरगी गोमा खाबाते जमानलाङ च्‍यि खिता फाप्‍कीते, चुक खाला थेला माने खिता फाप्‍कीते सिरच्‍येते नियमओन ओतान। थेमे थेरू खि साबाच्‍योक खाला परमेश्‍वरला माने खिताला मिओनगी पालज्‍यीक जोबा ओतान।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

१ यूहन्‍ना 4:5

होथे मेन्‍दे बात लोप्‍कान्‍ते मिओन दि सा लुङबे मि ईन्‍देकी थेबेकी खालि दि सा लुङबे मिओनगी खित्‍च्‍येते च्‍योक्‍ते बात खिओ। थेमे थेबा च्‍योक्‍ते मिकीङ होथेबे बातराङ ङेन्‍ग्‍यो।

छ्या स्‍ये च्‍युताते बात 19:16

थेकी खोन्‍दाते खोलाकताङ थे फाल्‍काला “गेल्‍बोओनतेङ गेल्‍बो थेमे गाङे छ्येतेबेतेङ छ्येते” सिन मिन टिबा ओतान।