यूहन्‍ना 3:29 - जिरेल

²⁹ बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

यूहन्‍ना 3:29 ပူးပေါင်းရင်းမြစ်များ

मत्ती 22:2

थेकी “स्‍वर्गे राज्‍यदुचेन थाल्‍ला ङे ख्‍योकोनला लाःप्‍कीन ओताते कथाला साबा च्‍योकराङ ओङगो। च्‍यि सासीन बाजिई गेल्‍बोज्‍यीगी फुज्‍युङते फाङमे भोज लै खित्‍च्‍या ओङदुक्‍लो।

मत्ती 25:1

परमेश्‍वर ओत्‍सादुई वाबाते मि ग्‍युरला ओङजीनचेन स्‍वर्गे राज्‍यदु दि कथाला साबा च्‍योकराङ ओङगो। चुक सासीन बाजिई ठाउँज्‍यीक्‍तु फाङमा खिते बेलाला खोपरोङ चलनला खिता फापा च्‍योकराङ खाईन कर्नेते फेम्‍मे फिजा च्‍युताम्‍बा खोपरोङ खोपरोङ बत्ती पारगीन खुरगीन बेउलाला ठेता खिताला गाल्‍दुक्‍लो।

मत्ती 9:15

थोक सिरजीन थेकी “बेउला खोपरोङ दोन्‍दु ओत्‍कीन ओत्‍कीन फाङमाला वाबाते मि सु साप मास्‍साबा खाला पीर खिन देत्‍कीतेरो? था मिओनगी वाला बेउलाला जबरजस्‍ती फाङमादुकी जुम्‍ला खेरग्‍यो। थोक खानामेईचेन फाङमा सार वाबाते मिओन पीरगी खित्‍सादु तुक्‍पाराङ देत्‍क्‍यो।

लूका 15:6

थेमे खेराङ र्‍वाओनला, युल्‍बाओनला काताङला ‘ङ्योकोनते आनाङका तोराते लुक ङेत्‍सुङ। था ङुरूङ गाङेराङ गा खिइ,’ सिन सिओ।

यूहन्‍ना 15:11

ख्‍योकोन ङा च्‍योकराङ छ्याःङ पीर मिक्‍किता खाला गा खिन देत्‍स्‍यीत। दोक खाला ख्‍योकोन जहिलेङ गा खिन देता थुप्‍स्‍यीत सिनराङ ङे ख्‍योकोनला दि बातओन साबाते ईन।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 17:13

ङाचेन था खो ओत्‍साने ओङगीन ओत। ङे खित्‍सादु दिबाबरी ङा च्‍योकराङ छ्याःङ पीर मिक्‍किता खाला गा खिन देता थुप्‍स्‍यीत सिन ङा दुरू ओत्‍जीनराङ दि बात खिओ।

यूहन्‍ना 3:30

ङाला मेन, ङे साटोला मिओनगी थेला मान खाला थे झन झन छ्ये डुइन ड्वा फाप्‍क्‍यो।

२ कोरिन्‍थी 11:2

ख्‍योकोनला लेमु ओङस्‍यीत सिन परमेश्‍वरगी सधैँ तेइन देता च्‍योकराङ ङाङ ख्‍योकोनला चुक खासीन लेमु ओङगीका सिरच्‍ये छ्य्‌वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्‍मे फिजा कर्ने देताच्‍योक खाला ख्‍योकोनोङ ख्रीष्‍टताङकामा डिक्‍ला देत्‍स्‍यीत सिरच्‍येते ङेते आउदी सेम ओत।

फिलिप्‍पी 2:2

थोरूम ख्‍योकोनगी दोक दोक खासीन ङाला झन गा लाङच्‍या ओतान। चुक सासीन ख्‍योकोन गाङेराङ सेमज्‍यीकराङ खाला डिक्‍ला देत, दोक्‍पोईकी ज्‍येनज्‍यीकला ङिङज्‍ये खि, जे खित्‍जीनोङ लो ङुरूङ दोकराङ खिइ साला डिक्‍ला खित्‍च्‍येते खि।

१ यूहन्‍ना 1:4

दोक ओङला ङुरूङ छ्याःङ पीर मिक्‍किता खाला आउदी गा खिन देता थुप्‍स्‍यीत सिन ङ्योकोन दि बाततेबा टिगीन ओत।

२ यूहन्‍ना 1:12

ङे ख्‍योकोनला सिरा फाप्‍च्‍येते बात थोरूमोङ काल्‍बेई ओत। ईन्‍सीनोङ ङा थे बाततेबा चिट्ठीला मिटिगो। बरू ख्‍योकोनताङ ठेत्‍ला ङ्योम्‍बुराङ देत्‍ला बात खिताप सिन ख्‍योकोनला होत्ता ठेत्‍च्‍ये आश खाबा ओत। दोक खाईन ठेता थुप्‍सीन ङुरूङ छ्याःङ पीर मिक्‍किता खाला गा खिन देता थुप्‍क्‍यो।

छ्या स्‍ये च्‍युताते बात 21:9

थेमे दि तिरी परमेश्‍वर दूतज्‍यीगी ङाला “देपा स्‍योक, खोल्‍ला ङा थे बेउली तेन्‍ला तेरग्‍यो। लुई रीउ फेम्‍मे थेराङ ईन,” सिन सिदुक। थे दूतचेन आउदी मेलेबा मेलेबा रोगताङ अनिकाल लाङ ज्‍युत्‍च्‍येते थेमे ज्‍यीबा लाङच्‍या दुक्‍पा ओङ ज्‍युत्‍च्‍येते जिम्‍मा खुराते कचौरा दुईनबो खुरकान्‍ते परमेश्‍वर दूत दुईनबो नाङ दोक्‍पोई ओतान।