यूहन्‍ना 3:17 - जिरेल

¹⁷ च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

यूहन्‍ना 3:17 ပူးပေါင်းရင်းမြစ်များ

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

मत्ती 18:11

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला पापदुकी डेलाला वाबाते ईन।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

लूका 9:56

थेमे थेबा गाङेराङ ज्‍येनज्‍यीक युलनापा गाल्‍गीन देत्‍सुङ।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 17:18

खुई ङाला दुरू ताङा च्‍योकराङ खाईन ङेङ दिबाला दि सा लुङबे मि नाङराङ ताङा ओत।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

यूहन्‍ना 17:25

आबा, खो खालि लेमुते कामताङ बातकामा खित्‍कान्‍ते ईन। दि सा लुङबे मिओनगी खोल्‍ला छ्या मास्‍येसीनोङ ङा खोल्‍ला छ्या स्‍येक्‍यो। ङाला विश्‍वास खित्‍कान्‍ते मिओनगी खुईराङ ङाला ताङाते ईन सिन छ्या स्‍येसुङ।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 17:8

खुई ङाला लापाते बातओन ङे गाङे थेबाला लापाप। थेमे थेबेकी थे बातओन ङेन्‍सुङ। ङा आबा खो ओत्‍सादुईराङ वाबाते दुका सिन थेबेकी लेमु खाईन छ्या स्‍येसुङ। ङाला खुईराङ ताङाते ईन्‍दा मेन्‍दा सिन थेबेकी छ्याःङ शंका माक्‍यासुङ।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

यूहन्‍ना 5:36

थेकी ङा सु ईन्‍दे, चुक्‍ते ईन्‍दे सिन ख्‍योकोनला साबा ओतान। ङा सु ईन्‍दे सिन थेकी साबाते भन्‍दाङ था ज्‍येन छ्येज्‍यीक बात ङात्ताङ ओत। थेचेन आबेकी ङाला खि साबाते थरिङोला ङे खिन ओताते कामओनराङ ईन। दि कामतेबा तालाङ ङाला आबेकीराङ ताङाते ईन सिन लेमु खाला छ्या स्‍येबा थुप्‍क्‍यो।

यूहन्‍ना 5:38

थेकी साबाते बादोङ ख्‍योकोनगी खेराङ सेमला मोज्‍योदुक। च्‍यिला सासीन थेकी दुरू ताङाते मिला ख्‍योकोनगी विश्‍वासराङ मिक्‍किदुक।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

यूहन्‍ना 6:29

थोक सिरजीन थेकी “परमेश्‍वरगी खि साबाते कामचेन थेकी दुरू ताङाते मिला विश्‍वास खित्‍च्‍येतेराङ ईन,” सिन सिदुक।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

यूहन्‍ना 7:29

ङालानी लेमु खाला छ्या ओत। च्‍यिला सासीन ङा थे ओत्‍सादुईराङ वाबाते ईन। थेमे ङाला तोङकान्‍तेङ थेराङ ईन,” सिन सिदुक।

यूहन्‍ना 8:11

थेमे थे फेम्‍मे मिकी “उँ ङाला सुङगीङ छ्याःङ माक्‍यासुङ प्रभु,” सिन सिदुक। थेमे थेकी “ङाङ खोल्‍ला छ्याःङ मिक्‍किओ। था खो दुरूकी ग्‍युक। थेमे थानामेकी दोक्‍ते मेलेबा काम माकेत,” सिन सिदुक।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।