यूहन्‍ना 21:25 - जिरेल

²⁵ येशूकी खाबाते काम थोरूम ज्‍येन ज्‍येनोङ काल्‍बेई ओत। ङालानी थेकी खाबाते काम रेरेते किताब टिसीन ज्‍य्‌वाबाला दि सा लुङबादु ठाउँराङ ओङच्‍या मेतान सिराच्‍योक लाङगीदुक।

यूहन्‍ना 21:25 ပူးပေါင်းရင်းမြစ်များ

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 19:24

दि बात ङेन। छ्युक्‍पुते मिओनला परमेश्‍वर राज्‍यने स्‍यूक्‍पा भन्‍दानी बरू ऊँट जोदाज्‍यीक ओत्‍सीनोङ थेला खापकी मिकनापेकी ज्‍युरा सजिलो ओङोङ,” सिन सिदुक।

मर्कूस 5:16

येशूकी थे मिदुकी ल्‍हन्‍डीक तेन्‍गीन ठाक्‍पा खाबाते थोङकान्‍ते मिओनगीचेन थेकी चुक खाईन थेला ठाक्‍पा खासुङा थेमे फाक्‍पाओन चुक खाईन स्‍यिसुङा सिन थेरू वाबाते मिओनला गाङे सासुङ।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 20:35

थेमे ङुरूङगी दाक्‍पोन जीउ स्‍वाप्‍लाकामा मेन, दुक्‍पा ङेतातेबाला ताप्‍लाङ दुक्‍पा खाला काम खिता फाप्‍च्‍याक्‍वा सिन ङे ख्‍योकोनला तेन्‍गीन बिन्‍दा ओत। जे काम खित्‍जीनोङ ङुरूङगी ‘ज्‍येनगीते लिन्‍दा भन्‍दा बरू ज्‍येनला तेरा लेमु ईन,’ सिन प्रभु येशू थे खोरोङगीराङ साबाते बात टोक ज्‍येता मेङगो,” सिन बात खासुङ।

हिब्रू 11:32

परमेश्‍वरला विश्‍वास खाईन सु सुकी चुक चुक खासुङा सिन बात खिइ सासीन दोक्‍ते बात काल्‍बेई ओत। थोक्‍ते मि नाङ गिदोन, बाराक, सामसन, यिप्‍ता, गेल्‍बो दाऊद, शमूएल थेमे परमेश्‍वर बात खित्‍कान्‍ते मिओन थोई ईन थोई। थेबा गाङे बात दुरू टिला मिसिनो।