यूहन्‍ना 21:16 - जिरेल

¹⁶ लोईन थेकी थेला “योआनेस फुज्‍युङ शिमोन, च्‍यि खो ङाला पक्‍काराङ ङिङज्‍ये खिओ?” सिन सिदुक। थेमे थेकी “उँ प्रभु, ङे खोल्‍ला ङिङज्‍ये खिओ सिन खोल्‍ला छ्याराङ ओत,” सिन सिदुक। थेमे थेकी “ङे लुकओनला लेमु खाला गोठाला खि,” सिन सिदुक।

यूहन्‍ना 21:16 ပူးပေါင်းရင်းမြစ်များ

मत्ती 2:6

चुक सासीन ‘बेथलेहेमला यहूदिये लुङबे नाङ ओताते ज्‍येन ज्‍येन सार भन्‍दा टेक्‍टेते सिन सुङगीङ सिरा मेङगो। च्‍यिला सासीन थेरू गेल्‍बोज्‍यीक केइओ। थेमे थेकीराङ ङाराङगी छाने खाबाते इस्राएलीओनला लेमु खाला राज्‍य खिओ,’ सिन साबा ओत,” सिन सासुङ।

मत्ती 25:32

थेमे थेरू गाङे लुङबा लुङबे मिला थे दोन्‍दु जम्‍मा खिओ। गोठालेकी राताङ लुकला टाल्‍ला ज्‍य्‌वाबाच्‍योक खाला थेजीन थे गेल्‍बोकी मि गाङेला हूल ङिला डेल्‍ग्‍यो।

मत्ती 26:72

थेमे थेकी लोईन “खुई साबाते मिलानी ङा ङोराङ मेस्‍येओ,” सिन ना क्‍याल्‍सुङ।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

यूहन्‍ना 18:17

थेमे थे फेम्‍मे मिकी पत्रुसला “च्‍यि खोङ थे मि चेलाराङ मेनरो?” सिन ठिजीन थेकी “मेन मेन, ङानी मेन,” सिन सिदुक।

यूहन्‍ना 18:25

शिमोन पत्रुसचेन थोरूमसाकोङ लाला थेरू मे देइनराङ ओतान। थेमे थेरू ओताते मिओनगी थेला “च्‍यि खोङ थे मि चेलाराङ मेनरो?” सिन ठिसुङ। ठिजीन थेकी “मेन मेन, ङानी ईनराङ मेन,” सिन सिदुक।

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।